Abbatis Villa

Abbatis villa^[1] (Francogallice Abbeville) est urbs et commune Francicum 24'237 incolarum (anno 2012) praefecturae Samara in regione Picardia Ambianos (a die 1 Ianuarii 2016 Septentrione Freto et Picardia). Samara flumen urbem dividit.

Chorographia

Abbatis villa ad ripas Samarae fluminis iacet, 45 km a Samarobriva ad occasum distans, etiam 10 km a Samarae ostia et Britannico freto.

Annales

Cultura archaeologica Abbevillium e vestigiis iuxta Abbatis villam repertis appellatus est.

Gallia victa, paludes Samarae per situm futurae urbis oriebantur. Prisca silva jacebat per colles in septentrionali litore, usque ad vallem Altiae. Per quam silvam Romani duas vias secaverunt, alteram a Samarobriva ad mare prope vicum Ponches, alteram a bellovacorum finibus ad Gesoriacum. Dagoberto regnante, Benedicti monachi nemoris Leuconae falcibus securibusque silvam purgarunt et aperuerunt. Paulo post proclamavit in vico Centulae aliquis vir nomine Riquier (Reikswehr) divitias suas ecclesiae dare, et ut monachus vitam agere : quare Riquier rex maximam partem silvam tribuit, ut in solitudine vitam ageret. Riquier mortuo condiderunt monachi abbatiam prope Centulas. Anno 1000 domini condidit abbatis villam, a qua civitas postea nata est.

Notae

↑ Aliter Abbavilla, Abbamico Villa. Thomas Urso (1990). Toponomastica Bibliografica. Guida ai nomi dei luoghi di stampa fino al 1799. Florentiae: Leo S. Olschki Editore.