Armandus Theodorus Hunziker
(Redirectum de Armando Theodoro Hunziker)
Armandus Theodorus HunzikerRes apud Vicidata repertae:
Armandus Theodorus, vulgo Armando Theodoro Hunziker (Chacabuco in urbe Argentinae natus die 29 Augusti 1919; die 12 Decembris 2001 Cordubae Tucumanae mortuus) fuit botanista. Praesertim de classificatione familiae Solanacearum inquisivit.
E parentibus origine Helveticis ortus est. Agronomiae apud universitatem Bonaëropolitanam studuit, ubi discipulus fuit Laurentii Parodi. Professor factus est anno 1949 universitatis Cordubensis Tucumanae, ubi usque in 1982 functus est, sed inter annos 1947 et 1954 in universitate Harvardiana cum Irving Widmer Bailey laboravit. Anno 1961 libellos titulo Kurtziana condidit.
Taxa plura ipse primus definivit.[1] Genus Hunzikeria ad eius honorem a Gulielmo Geraldo D'Arcy anno 1976 nominatum est.[2]
Opera selecta
[recensere | fontem recensere]- 1950 : "Estudios sobre Solanaceae. I. Sinopsis de las especies silvestres de Capsicum: de Agrentina y Paraguay" in Darwiniana vol. 9 (1950) pp. 225-247 JSTOR
- 1998 : "Estudios sobre Solanaceae. XLVI. Los ajíes silvestres de Argentina (Capsicum)" in Darwiniana vol. 36 (1998) pp. 201-203 JSTOR
- 2001 : The Genera of Solanaceae. Ruggell Lichtensteniae: A. R. G. Gantner Verlag, ISBN 3-904144-77-4
Notae
[recensere | fontem recensere]- ↑ Vide Categoria:Taxa Hunziker
- ↑ W. G. D'Arcy, "New Names and Taxa: Solanaceae" in Phytologia vol. 34 (1976) p. 283
Bibliographia
[recensere | fontem recensere]- "In memoriam ... Armando T. Hunziker" in ASPT Newsletter vol. 16 no. 1 (2002)
- Ana M. Anton, "Armando T. Hunziker (1919−2001)" in Taxon vol. 51 (2002) pp. 393-403
- Juan H. Hunziker, "Some historical aspects of plant cytogenetics in Argentina and Uruguay" in Genetics and Molecular Biology vol. 23 (2000) pp. 917-920
Nexus externi
[recensere | fontem recensere]|
|
Lexica biographica: • • IPNI |