Caseus ovillus Pyrenaicus
Appearance
(Redirectum de Brebis des Pyrénées)
![](http://upload.wikimedia.org/wikipedia/commons/thumb/6/62/Fromages.jpg/220px-Fromages.jpg)
![](http://upload.wikimedia.org/wikipedia/commons/thumb/6/63/Euskal_Museoa_cheese.jpg/220px-Euskal_Museoa_cheese.jpg)
![](http://upload.wikimedia.org/wikipedia/commons/thumb/b/b5/Ossau-Iraty.jpg/220px-Ossau-Iraty.jpg)
Caseus ovillus Pyrenaicus, Francogallice Brebis des Pyrénées (interdum Tomme de brebis videmus sine nomine montium) est varietas casei in vallibus septentrionalibus montium Pyrenaeorum (civitatis Franciae) proveniens. Tales casei e lacte ovino confecti formam rotundam habent et massam albicantem. Alii sub appellatione Ossau-Iraty (Vasconice Ossau Irati) reperiuntur, alii sub signo mercatorio Etorki; qui nullam appellationem portant interdum saporem habent fortiorem.
Nomina protecta[recensere | fontem recensere]
- Caseus sub nomine Ossau-Iraty in civitatibus Europaeis venundatus debet in regione delimitata et in modis definitis fieri; ab anno 1980 appellationem in Francia verificatam portabat et ab anno 2009 appellationem in Europa protectam monstrat.
- Caseus sub signo mercatorio Etorki a societate Bongrain conficitur.