Urbis et orbis
![](http://upload.wikimedia.org/wikipedia/commons/thumb/d/d6/Nerazio_Cereale_-_base_di_statua_nel_Foro_Romano.jpg/440px-Nerazio_Cereale_-_base_di_statua_nel_Foro_Romano.jpg)
![](http://upload.wikimedia.org/wikipedia/commons/thumb/8/84/Inscription_Ecclesiarum_Mater_San_Giovanni_in_Laterano_2006-09-07.jpg/440px-Inscription_Ecclesiarum_Mater_San_Giovanni_in_Laterano_2006-09-07.jpg)
Urbis et orbis (gen.) atque "urbi et orbi" (dat.) sunt locutiones quibus exprimitur universalis urbis Romae aut ecclesiae Romanae potestas.
Gentibus est aliis tellus data limite certo ...[recensere | fontem recensere]
His verbis primus ut videtur Ovidius usus est, qui de imperio populi Romani sic libro secundo Fastorum cantavit:
- Gentibus est aliis tellus data limite certo:
- Romanae spatium est urbis et orbis idem.[1]
Restitutori urbis Romae atque orbis[recensere | fontem recensere]
Anno circiter 355 Neratius Cerealis praefectus urbi Romae in Foro Romano statuam erexit imperatori Constantio II, restitutori urbis Romae adque orb[is], et extinctori pestiferae tyrannidis (scil. usurpationis Magnentii).[2]
Omnium urbis et orbis ecclesiarum mater et caput[recensere | fontem recensere]
Inscriptio inter portas binas Basilicae Lateranensis haec verba monstrat: "Sacros[ancta] Lateran[ensis] eccles[ia] omnium urbis et orbis ecclesiarum mater et caput."
Urbis et orbis[recensere | fontem recensere]
Imperator Fridericus I anno 1157 se gubernationem "urbis et orbis" tenere proclamavit.[3] Benedictio urbi et orbi a papa, episcopo Sanctae Romanae ecclesiae ("urbi") et pastore universali ("orbi"), nuntiata est in sollemnitatibus maximis, id est Christi Natali et Paschis.
Notae[recensere | fontem recensere]
- ↑ Publius Ovidius Naso, Fasti 2.683-684
- ↑ CIL VI 1158
- ↑ Monumenta Germaniae historica ~ Constitutiones vol. 1 p. 224
![](http://upload.wikimedia.org/wikipedia/commons/0/09/Bullet_yellow.png)