Kaliningradum

Vide etiam paginam discretivam: Regiomontium (discretiva).

Kaliningradum^[1] vel Kalininopolis^[2] (Russice Калининград, tr. Kaliningrad), usque ad annum 1946 Regimontum Borussorum^[3] vel Regiomontium^[4]^[2] sive Regiomontum^[4]^[5]^[6] (Theodisce Königsberg) appellatum, est urbs Russiae, caput regionis Kaliningradensis. Ad Pregellam fluvium situm est. Urbi sunt circa 460 milia incolarum (anno 2016), qui hodie Kaliningradenses vocantur.

Momentum

Kaliningradum est valens vectorium focus, stationes ferriviarias, portus et aeroportum habens. Praeterea, sedes industriae (e.g. constructionis machinarum), commerciae et culturae est.

Kaliningradi sunt universitates (quarum maxima est Universitas Foederalis Baltica Kantiana), bibliothecae, musaea, theatra, horti botanicus et zoologicus atque multa monumenta historica architecturae.

Praesertim autem Regiomontium hodiernum armis pullulat ad Europam continenter temptandam, cuius pars usque Februarium 2022 ipsum fuerat.^[7]

Historia

Regiomontium anno 1255 a Premyslao Otacaro altero, rege Bohemiae, conditum est, ut sibi auxilium ferrent ad subigendos et in fidem christianam armis redigendos incolas regionis Balticae equites Ordinis Teutonici.

Anno 1544 Universitas Albertina Regiomontii condita fuit.

Die 18 Ianuarii 1701 Fridericus I rex Borussiae (primus rex Borussiae) Regiomonti coronatus est et post eum omnes reges Borussiae ad usque Gulielmum II anno 1888. Saeculo 18 in universitate Regiomontana Immanuel Kantius philosophorum eius aevi facile princeps philosophiam moralem docuit auxit amplificavit.

Ad annum 1945 Regiomontium Borussiae Orientalis caput erat.

Post bellum mundanum alterum urbs incendiis paene deleta pars fuit Unionis Sovieticae et anno 1946, incolis Germanis expulsis, in honorem Michaelis Kalinin praesidis Unionis Sovieticae, qui paulo prius mortuus erat, nomen hodiernum accepit.^[8]

Cives illustres

Nati

1657 - Fridericus I (rex Borussiae)
1724 - Immanuel Kantius, philosophus
1752 - Ioannes Fridericus Reichardt, compositor et musicologus
1776 - Ernestus Theodorus Amadeus Hoffmann, scriptor
1880 - Bruno Taut, architectus
1824 - Gustavus Robertus Kirchhoff, physicus
1884 - Maximus Taut, architectus
1891 - Curtius Latte, philologus

Mortui

1659 - Simeon Dach, poeta
1804 - Immanuel Kantius, philosophus
1846 - Fridericus Gulielmus Bessel, astronomus

Coniunctio communium

Ratiboria (Polonia)
Bremae Portus (Germania)

Vide etiam

Unda Esperantici

Notae

↑ Ephemeris 2011; Tuomo Pekkanen & Reijo Pitkäranta, Lexicon hodiernae Latinitatis Finno-Latino-Finnicum, 2006.
↑ ^2.0 ^2.1 Ebbe Vilborg. Norstedts svensk-latinska ordbok. Editio secunda anni 2009. Pro nomine adiectivo nomini "Kalininopolis" dictionarium dicit "Kalininopolitanus". De "Regiomontium" non dicit per quid tempus urbs ita appellabatur, modo "antea" indicans. Nam adiectiva forma est "Regi(o)montanus".
↑ Vide e.g. locum editionis in pagina tituli huius libri : Adalbertus Roquette, de Xenophontis Vita, Regimonti Borussorum, 1894. Versio electronica
↑ ^4.0 ^4.1 Graesse, Benedict et Plechl, Orbis Latinus, versio magna quartae editionis, liber 3 (Brunsvicum: Klinkhardt et Biermann, 1972), pagina 243. Vide etiam disputationem nostram.
↑ Solutio problematis ad geometriam situs pertinentis auctore Leonhardo Eulero
↑ Interdum etiam Konigsberga, Lexicon Universale Hofmanni: Konigsberga; Theodisce Königsberg.
↑ "Russland verlegt Hyperschallraketen nach Kaliningrad". Apud: Berliner Zeitung, 18.8.2022
↑ Tino Künzel: "Kalinin-Straße? - Eine Beleidigung für jeden Moskauer". Apud: MDZ, 4.8.2020

Nexus externi

Vicimedia Communia plura habent quae ad Kaliningradum spectant.

Situs geographici et historici: Locus: 54°43′0″N 20°30′0″E • OpenStreetMap • GeoNames • Thesaurus Getty • Facebook Places • Store norske Lexikon • Большая российская энциклопедия

Pagina de Kaliningrado Encyclopaediae Russicae Magnae (Russice)

[1] Ephemeris 2011; Tuomo Pekkanen & Reijo Pitkäranta, Lexicon hodiernae Latinitatis Finno-Latino-Finnicum, 2006.

[NSLO-2] 2.0 ^2.1 Ebbe Vilborg. Norstedts svensk-latinska ordbok. Editio secunda anni 2009. Pro nomine adiectivo nomini "Kalininopolis" dictionarium dicit "Kalininopolitanus". De "Regiomontium" non dicit per quid tempus urbs ita appellabatur, modo "antea" indicans. Nam adiectiva forma est "Regi(o)montanus".

[3] Vide e.g. locum editionis in pagina tituli huius libri : Adalbertus Roquette, de Xenophontis Vita, Regimonti Borussorum, 1894. Versio electronica

[Graessegrossausgabe-4] 4.0 ^4.1 Graesse, Benedict et Plechl, Orbis Latinus, versio magna quartae editionis, liber 3 (Brunsvicum: Klinkhardt et Biermann, 1972), pagina 243. Vide etiam disputationem nostram.

[5] Solutio problematis ad geometriam situs pertinentis auctore Leonhardo Eulero

[6] Interdum etiam Konigsberga, Lexicon Universale Hofmanni: Konigsberga; Theodisce Königsberg.

[7] "Russland verlegt Hyperschallraketen nach Kaliningrad". Apud: Berliner Zeitung, 18.8.2022

[8] Tino Künzel: "Kalinin-Straße? - Eine Beleidigung für jeden Moskauer". Apud: MDZ, 4.8.2020

[1]

[2]

[3]

[4]

[5]

[6]

[7]

[8]