Lacus Oxianus

Lacus Oxianus^[1] vel Mare Aralense^[2] (Casachice Арал теңізі, Uzbecice Orol dengizi, in lingua Karakalpakensi Aral ten'izi) fuit internus lacus salsus in media Asia in demissione Turanica situs. Propter deversionem aquarum in eum influentium inrigationis causa factam superficies lacus ab anno 1960 velociter minuitur et anno 1989 in duas partes divisa est. Per irrigationis systema Oxi fluminis aqua in Sarykamysch lacum abit.

Prima est Mare Aralense Septentrionale vel Minus, in quod Iaxartes flumen effluat. Aral'sk urbs in litore Maris Aralensis Minoris stat. Moles Kokaralensis hoc Mare Minus a Mari Maiore vel Meridiano separat, ne aqua effluat; sine mole Mare Septentrionale ipsum exsiccari potest.

Secunda pars Lacus Oxiani hodierna est Mare Aralense Meridianum vel Maius. Anno 2001 Mare Aralense Meridianum in duas partes divisum est: Mare Aralense Occidentale et Mare Aralense Orientale. Mare Aralense Orientale anno 2009 primum totum exsiccatum est, et abhinc interdum tempore eluvionis vernae aquis Oxi fluminis impletur, sed mox iterum exsiccatur. Loci salsi territorium maris pristini operiunt. Insula Renovationis^[3] ab anno 2001 paeninsula erat et nunc terra continente media sita est. Mare Aralense Occidentale aquis subterraneis alitur et haud cito exsiccabitur.

Ante exsiccationem partem lacus Oxiani septentrionalem Kazachstania possidebat, partem meridianam Karakalpakia res publica, quae Uzbeciae pars est. Mare Aralense Septentrionale totum in Kazachstania situm est, Aralense Occidentale in Kazachstania et Karakalpakia.

Notae

↑ J. G. Th. Graesse, Orbis Latinus (Dresdae: Schönfeld, 1861; 1909. Brunsvici, 1972, 3 voll.) 1 2 3
↑ E.g. Eduardi Eichwald Zoologia specialis ... Rossiae. vol. II, Vilnae 1831, p. 237: Norae Zabinkovae et Moysis Kirpicznikov Nomina physico-geographica principalia URSS s.v. Аральское море.
↑ Russice Остров Возрождения.

Nexus externi

Situs geographici et historici: Locus: 45°0′0″N 60°0′0″E • OpenStreetMap • GeoNames • Thesaurus Getty • Pleiades • Store norske Lexikon • Большая российская энциклопедия

Vicimedia Communia plura habent quae ad Lacum Oxianum spectant.

[1] J. G. Th. Graesse, Orbis Latinus (Dresdae: Schönfeld, 1861; 1909. Brunsvici, 1972, 3 voll.) 1 2 3

[2] E.g. Eduardi Eichwald Zoologia specialis ... Rossiae. vol. II, Vilnae 1831, p. 237: Norae Zabinkovae et Moysis Kirpicznikov Nomina physico-geographica principalia URSS s.v. Аральское море.

[3] Russice Остров Возрождения.

[1]

[2]

[3]