Nicander Colophonius

Nicander Colophonius fuit poëta didacticus Graecus qui vixit saeculo secundo a.C.n..

Nicander natus est Colophone in Ionia. De vita pauca certa, cetera dubia sunt: iam ab antiquo testium deest concordia, nam Nicander alter Ionicus poëta fuisse videtur superiore saeculo, a quibusdam avus iunioris habitus, sic ut quaedam nescimus scripta utri Nicandro seniori an iuniori referenda sint. Iuniori quidem attribuitur Hymnus ad Attalum III, qui a 138 a.C.n. usque ad 133 a.C.n. Pergamo regnavit, quam ob rem ille Nicander auctor saeculo secundo a.C.n. vixisse putatur. Cuius ipsius duo integra habemus opera:

Alexiphármaka (Ἀλεξιφάρμακα), poëma didacticum 958 hexametrorum de morsibus veneficis ferorum animalium ed de remediis;
Theriaká (Θηριακά), poëma didacticum 630 hexametrorum de generibus venenorum remediorumque.

Opera perdita

Georgiká (Γεωργικά), poëma duorum librorum de agricultura, e quo versus centum nobis tradidit Athenaeus Naucratita;
Heteroioúmena (Ἑτεροιούμενα), poëma de metamorphosesi;
Melissourgiká (Μελισσουργικά), poëma de apicultura;
Opera poëtica nonnulla de rebus medicis.

Bibliographia

Editiones operum

1499 : editio princeps Aldina
1530 : Nicandri Theriaca; eiusdem Alexipharmaca; interpretatio; commentarii. Coloniae: opera Iohannis Soteri, 1530 Textus
1531 : Iohannes Lonicerus, interpr., Nicandri Theriaca et Alexipharmaca cum scholiis. Coloniae: opera Iohannis Soteri, 1531 Textus
1549 : Ioannes Gorraeus, ed. et interpr., Nicandri Colophonii ... Alexipharmaca. Parisiis: apud Vascosanum, 1549 Textus
...
1953 : A. S. F. Gow, A. F. Scholfield, edd. et interprr., Nicander: The poems and poetical fragments. Cantabrigiae: Cambridge University Press, 1953

Eruditio

G. Pasquali, I due Nicandri (1913) in Scritti filologici, I, pp.340-387, Florentiae, 1986
H. White, Studies in the poetry of Nicander, Amstelodami, 1987

Nexus interni