Remigius Autissiodorensis

Remigius Autissiodorensis

Res apud Vicidata repertae:

Nativitas: 841; Burgundia
Obitus: 908; Lutetia
Patria: Regnum Francorum occidentalium

Remigius Autissiodorensis (vel Antissiodorensis etc.), anno 841 natus et anno 908 mortuus, fuit theologus et grammaticus doctus Benedictinus.

Titulus editionis commentariorum Remigii in Psalmos, Coloniae, 1536

Vita

Burgundiae natus, Heirici Autissiodorensis et fortasse Lupi Servati discipulus, in abbatia sancti Germani Autissiodorensi ab anno 861 ad 883 aetatem degebat; scholae huius monasterii praefectus ab anno 876 erat. Anno 883 Remos ad litteras provehendas missus estm ubi Hucbaldo Elnonensi familiaris fuit. Circa annum 900 Lutetiae dialecticam et musicam docebat; Odo Cluniacensis ibi discipulus eius fuit.

Opera

Commentaria ad librum Genesim et ad Psalmos composuit necnon ad artem grammatucam Donati et Prisciani et Iuvenalem et ad disticha Catonis; maximum Remigii opus est ad Martianum Capellam commentaria.

Nexus externi

• Opera Remigii in Patrologia Latina
• Remigii ad Donatum commentum, ed. 1902
• Remigii ad psalmos commentaria, ed. prima 1536