Culturae

Culturae^[1]^[2] (Francogallice Couture-sur-Loir) est commune Francicum 411 incolarum (anno 2012) praefecturae Liderici et Cari in provincia Centri et Valle Ligeris.

De nomine

In Medii Aevi fontibus (ex.gr.Aldrici Cenomanensis episcopi charta) latine "villa Culturas" (utraque nomina substantiva feminina quae casu genitivo "villae Culturarum" reddunt) sive "agrum Cultura"^[3] invenitur.

Geographia

Oppidula Lidi fluvii valle est situs.

Historia

Cenomanensis civitatis Quartae Lugdunensis provinciae temporibus antiquis, postea Vindocinensis inferioris pagi fuit. Hic pagus plurima saecula ab Andecavis comitibus Francorumque regibus ambiebatur. SS. Trinitatis Vindocinensis Abbatia districtu magnopere pollebat. Septimo decimo saeculo Ludovici XIV camerarii Dubois diarii vici rebus quotidianis lumen adhibent.

Industria

Sabuli extrahendi (hoc modo stagnis plurimis facti erunt) industria iuxta fluvium iacet. Incolae complures Bessiaci officinae chartariae operam dant.

Aedificia nota

Locupletiorum villae saeculis recentibus constructae vici aditus adornant. Renascentiae temporibus SS. Gervasii et Protasii ecclesiae chorus Andecavico more refecta est, Ronsardi familiae villa, La Possonnière, ubi poeta primos vitales spiritus hausit, aedificata est. Haec villa complures inscriptiones latinas (e.g. Sustine et abstine, Cui des videto) exhibet.

Incolae noti

Villa Culturis olim vixerunt aut nati sunt et hodie vivunt illustres viri atque feminae:

Nati

Petrus Ronsardus, scriptor Poëtaque, 1524-1585.

Commorati

Loys Ronsardi, Eques de La Possonière, Petri Ronsardi pater, regiae curator, captivus sub horam pugnae papiensis, cum Francisco Iº Matrito retento, anno 1530 libertas recuperavit.

Nexus interni

Indicem communium praefecturae Liderici et Cari

Notae

↑ Paul Guérin, "Archives historiques du Poitou", 1878, Pictavio, Imprimerie de Henri Oudin, p.78. [1] (Latine)
↑ Abbé G. Busson et Abbé Ledru, "Archives historiques du Maine - Actus pontificum Cenomannis", 1901, Cennomano, T. II, p.35, 263, 279. [2] (Latine)
↑ Actus pontificum Cenomannis, p.104. (Latine)

Nexus externi

Vicimedia Communia plura habent quae ad Culturas spectant.

Situs geographici et historici: Locus: 47°45′13″N 0°41′16″E • OpenStreetMap • GeoNames • Thesaurus Getty • "41070" apud INSEE

De hoc commune apud cassini.ehess.fr

[1] Paul Guérin, "Archives historiques du Poitou", 1878, Pictavio, Imprimerie de Henri Oudin, p.78. [1] (Latine)

[2] Abbé G. Busson et Abbé Ledru, "Archives historiques du Maine - Actus pontificum Cenomannis", 1901, Cennomano, T. II, p.35, 263, 279. [2] (Latine)

[3] Actus pontificum Cenomannis, p.104. (Latine)

[1]

[2]

[3]