Glabretum
![](http://upload.wikimedia.org/wikipedia/commons/thumb/b/b3/%D0%9F%D0%BE%D0%BB%D1%8B%D0%BD%D1%8C%D1%8F_%D0%BD%D0%B0_%D0%97%D0%B2%D0%B5%D1%80%D0%B8%D0%BD%D0%BE%D0%B6%D0%BA%D0%B5_20181222_175911.jpg/220px-%D0%9F%D0%BE%D0%BB%D1%8B%D0%BD%D1%8C%D1%8F_%D0%BD%D0%B0_%D0%97%D0%B2%D0%B5%D1%80%D0%B8%D0%BD%D0%BE%D0%B6%D0%BA%D0%B5_20181222_175911.jpg)
Glabretum[1] est pars aquae, glacie non tecta[2], in fluviis et maribus hiemalibus. In fluviis glabreta a velocitate fluminis vel a fonte quodam calidiore oriuntur. In maribus Arcticis et in aquis Oceani Australis circum Antarcticam glabreta a ventis catabaticis glaciem pellentibus gignuntur sive cum aqua calidior a flumine oceanico allata in superficiem elevatur.
![](http://upload.wikimedia.org/wikipedia/commons/thumb/4/43/Narwhal_1_1995-06-10.jpg/220px-Narwhal_1_1995-06-10.jpg)
Glabreta perpetua[recensere | fontem recensere]
Sunt in maribus Arcticis et Antarcticis glabreta, quae saepe apparent vel quotannis vel perpetuo glacie liberae manent. Quorum notissimum est Aqua Borealis in parte boreali sinus Baffiniani; glabretorum Antarcticorum glabretum Iacobi Weddell[3] nominari potest.
Notae[recensere | fontem recensere]
- ↑ Alexandri Orlov Lexicon Russico-Latinum. Moscuae, 1876. P. 343.
In Latinitate classica glabretum est locus in agris, ubi nec sata nec quidqiud crescunt, — Columella, II 20, 2; Aegidii Forcellini Lexico Totius Latinitatis, 1775, s.v. pepo. Versio interretialis sub verbo. - ↑ S. Ivaškovskij, Lexicon Rossico-Latinum, s.v. полынья.
- ↑ Anglice Weddell Polynya.
Nexus externi[recensere | fontem recensere]
- De glabretis in Britannica (Anglice)
- De glabretis in Lexico Norvegico (Norvegice)
- De glabretis in Encyclopaedia Russica magna (Russice)