Μήλα (pellicula 2020)
| Μήλα (2020) | |
|---|---|
| Dispositor | Chrestos Nikou |
| Primi actores | Ares Serbetales Sophia Georgobasile |
| Duratio | 90 minuta |
| Natio | Graecia |
| Lingua | Lingua Neograeca |
Μήλα (Latine 'māla') est pellicula dramatica a Chresto Nikou dispositore Graeco anno 2020 confecta, cuius scaenarium ipse cum Stauro Raptes scripsit. Quae pellicula respondere conatur quaestioni, num summae memoriarum nostrarum simus.
Argumentum
[recensere | fontem recensere]Mundus devastatur pandemia, quae memoriam hominibus oblitterat. Quae cum ita sint, Ares (Ares Serbetales), homo barbatus, in laophorio expergiscitur inscius nominis et muneris sui, nec domicilii sui memor est.
In valetudinario ad therapiam ducitur, in qua pro egoitate amissa altera egoitas inseri temptatur. Ares varia munera decurrere, eaque imaginibus polaroid conservare debet.
Μήλα mysterium praebet, sed sine ingesta explanatione, quamquam arcana conscientiae et praesentiae scrutatur. Obliviscendi inclinatio generis humani ubique latet — in bono et in malo.
De pellicula
[recensere | fontem recensere]Similes quaestiones memoriae etiam tractant Memento (2000) a Christophoro Nolan disposita, Eternal Sunshine of the Spotless Mind (2004) a Michaele Gendry disposita, Unknown (2006) a Simone Brand disposita, Blindness (2008) a Fernando Meirelles disposita.
Bibliographia
[recensere | fontem recensere]- Chen, Nick (2021) Apples: an esoteric black comedy about a virus that erases your memories. Dazed, 5 Maii.
- Zhang, Michael (2017) Polaroid Acquired by The Impossible Project's Largest Shareholder. PetaPixel, 12 Maii.