Amaranthus (Portugallia)

Amaranthus (Portugallia)

Res apud Vicidata repertae:

Amaranthus (Portugallia): insigne

Civitas: Portugallia
Locus: 41°16′0″N 8°5′0″W
Numerus incolarum: 56 264
Zona horaria: UTC
Situs interretialis
Nomen officiale: Amarante

Gestio

Procuratio superior: Portus Cale, Douro Litoral

Geographia

Superficies: 301.33±0.01000000000001 chiliometrum quadratum
Regiones urbanae: Ansiães, Candemil, Fregim, Fridão, Gondar, Jazente, Lufrei, Rebordelo, Vila Chã do Marão, Vila Caiz, Telões, Salvador do Monte, Travanca, Louredo, Lomba, Mancelos, Padronelo, Vila Meã, São Simão de Gouveia, Figueiró, Aboadela, Sanche e Várzea, Amarante (São Gonçalo), Madalena, Cepelos e Gatão, Bustelo, Carneiro e Carvalho de Rei, Freixo de Cima e de Baixo, Olo e Canadelo, Vila Garcia, Aboim e Chapa
Territoria finitima: Vila Real, Celorico de Basto, Mondim de Basto, Santa Marta de Penaguião, Baio, Marco de Canaveses, Penafiel, Lausata, Felgaria

Coniunctiones urbium

Urbes gemellae: Achères, Wiesloch, Nampula, Châteauneuf-sur-Loire

Amaranthus (Lusice; Amarante) est Lusitanum municipium, in Districtu Portu Cali, in Regione Septemtrione et in Subregione Tamăca situm. Anno 2011, 56 264 incolarum habebat. Divisum est in 26 paroecias et terminatur a Septemtrione Celiobriga (Lusice; Celorico de Basto), a Boreoriente Mundino Bastensi (Lusice; Mondim de Basto), ab Oriente Villa Regia (Lusice; Vila Real) ac Sancta Martha Pennae Aquilonis (Lusice; Santa Marta de Penaguião), a Meridie Baione (Lusice; Baião), Termino de Canaveses (Lusice; Marco de Canaveses) ac Penafideli (Lusice; Penafiel), ab Occidente Lausata (Lusice; Lousada) et a Boreoccidente Felgaria (Lusice; Felgueiras).

Historia

Centrum historicum.

Regio circum Amaranthum tam antiquitus Aetate Lapidea a praehistoricis tribubus inculta est quae Iugum Aboboreirae (Lusice; Serra da Aboboreira) incolebant. Nihilominus, eius pondus crevit solum postquam Sanctus Gundisalvus Amaranthi adveniret saeculo XII. Pons lapideus per Tamăcam flumen ab eo aedificatus esse creditur.

Eo mortuo, Amaranthus peregrinatorum destinatio factus est et magnopere crevit. Saeculo XVI, Ioannes III, Rex Lusitaniae, ecclesiam Sanctae Mariam in Dominicanum monasterium prope pontem Sancti Gundisalvi convertit; qui pons anno 1763 inundatione destructus et rursus aedificatus est.

Per Napoleonicam Lusitaniae invasionem, pons Amaranthi locus episodii de Lusitana resistentia contra Francicas copias ab Henrico-Francisco Delaborde ductas fuit. Urbs a Francicis usta est et postea denuo constructa est.

Geographia

Concilium Amaranthus prominentia notatissimum est. Praeterea, est maximum concilium in Districtu Portu Cali, circa cum 30 000 hectariorum areae (301,3 km²). Flumine Tamăca (Lusice; Tâmega) transitum, propemodum 80% areae in concilio sub 600 metra altitudinis inveniuntur. Attamen, talis status quin in eo unum inter iuga montium altissima nationis, Marao (Lusice; Marão), cum summis 1415 metra attingentibus, et Iugum Aboboreirae (Lusice; Serra da Aboboreira) insertum esset non obstat. Alia flumina per concilium currentia Ovelha, Olo et Odres sunt.

Terra praesertim granito, cum biotitae dominio, formatur. Sunt quoque aliquae schistorum zonae per concilium sparsae.

Demographia

Incolae municipii Amaranthi (1801 – 2011)
1801	1849	1900	1930	1960	1981	1991	2001	2004	2011
1416	15918	32931	37796	47823	54159	56092	59638	61029	56264

Paroeciae

E nova administrativa annorum 2012 et 2013 ordinatio, concilium Amaranthus divisum est in paroecias 26, quae sunt in tabula inferiori:

Concilii Amaranthi paroeciae post novam anni 2013 ordinationem administrativam

Insigne	Paroeciae Latine	Paroeciae Lusice
Insigne Ansilanis	Ansilanis	Ansiães
	Frigdiamus	Fridão
Insigne Gondaris	Gondar	Gondar
	Lauratium	Louredo
	Lomba	Lomba
	Minutiellus	Mancelos
Insigne Petronelli	Petronellus	Padronelo
	Roburetellus	Rebordelo
Insigne Salvatoris Montis	Salvator Montis	Salvador do Monte
	Sanctus Simon Cotellae	São Simão de Gouveia
Insigne Trabancae	Trabanca	Travanca
Insigne Sancti Gundisalvi	Unio Paroeciarum Amaranthi (Sancti Gundisalvi), Magdalenae, Cippelli et Gattonis	União das Freguesias de Amarante (São Gonçalo), Madalena, Cepelos e Gatão
Insigne Bobadellae	Unio Paroeciarum Bobadellae, Sanctii et Bargĭnae	União das Freguesias de Aboadela, Sanche e Várzea
Insigne Bustelli	Unio Paroeciarum Bustelli, Carnarii et Quercus Regis	União das Freguesias de Bustelo, Carneiro e Carvalho de Rei
Insigne Sancti Iacobi Ficulneolae	Unio Paroeciarum Ficulneolae (Sancti Iacobi et Sanctae Christinae)	União das Freguesias de Figueiró (Santiago e Santa Cristina)
Insigne Fraxini Superioris	Unio Paroeciarum Fraxini Superioris et Inferioris	União das Freguesias de Freixo de Cima e de Baixo
	Unio Paroeciarum Olonis et Cannatelli	União das Freguesias de Olo e Canadelo
Insigne Regalis	Unio Paroeciarum Regalis, Atahindi et Ulvariae	União das Freguesias de Real, Ataíde e Oliveira
Insigne Villae Garciae	Unio Paroeciarum Villae Garciae, Abolini et Chapae	União das Freguesias de Vila Garcia, Aboim e Chapa
Insigne Villae Candemiri	Villa Candemiri	Candemil
	Villa Capīthē	Vila Caiz
Insigne Villae Fregini	Villa Fregini	Fregim
	Villa Hyacinthi	Jazente
	Villa Leodefredi	Lufrei
	Villa Plana Maraonis	Vila Chã do Marão
Insigne Villae Tellonis	Villa Tellonis	Telões

Praeclari homines

• Sanctus Gundisalvus Amaranthi, frater Dominicanus velut sanctus veneratus;
• Teixeira de Pascoaes, scriptor et poëta;
• Amadeus de Souza-Cardoso, pictor;
• Augustina Bessa-Luís, scriptrix;
• Antonius Carneiro, pictor;
• Antonius Candidus Ribeiro da Costa, orator et politicus
• Antonius Pinto cursor Olympicus marathonius;
• Nunnus Gomes, pedilusor;
• Ricardus Carvalho, pedilusor.