Archimedis Palimpsestus

Gemina pagina e "Palimpsesto Archimedis" : versus primigenii textus transversi sunt in hodierno codice.

Archimedis palimpsestus est codex manuscriptus Graecus in quo iam anno 1906 sub Euchologio, id est precibus ad usum monachorum collectis, philologus Danicus Iohannes Ludovicus Heiberg plures tractatus clarissimi physici Graeci Archimedis agnovit, decimo saeculo Constantinopoli exaratos et figuris geometricis ornatos. Quorum duo illo tempore adhuc ignoti erant. Diu latuit postea hic manuscriptus : hodie (2012) quamquam in Museo Artium Walters Baltimorae per decem annos sanatus et lectioni commodiori praeparatus, Archimedis palimpsestus est mancipium privati cuiusdam collectoris Americani qui anno 1998 apud auctionem Christie's dollariis 2 200 000 eum emit.

In eodem codice inventa sunt etiam quinque folia ex duabus orationibus adhuc ignotis Attici oratoris Hyperidis necnon fragmenta commentarii cuiusdam ad Categorias Aristotelis.

Fontes

• Katherine J. Carver, "The Legal Implications and Mysteries Surrounding the Archimedes Palimpsest", The American Journal of Legal History, 2005: 119-160
• Roger L. Easton, William Noel. "Infinite Possibilities: Ten Years of Study of the Archimedes Palimpsest", Proceedings of the American Philosophical Society, 2010: 50-76
• Mike Edwards, "Le Palimpseste d’Archimède et le nouvel Hypéride", Comptes rendus des séances de l'Académie des Inscriptions et Belles-Lettres, 2010: 753-768
• Daryn Lehoux, "Ancient Science in a Digital Age", Isis, 2013: 111-118
• Reviel Netz et Gulielmus Natalis, The Archimedes Codex, Weidenfeld & Nicolson, 2007
  • Der Kodex des Archimedes. Das berühmteste Palimpsest der Welt wird entschlüsselt. C. H. Beck, München 2007 Recensio critica
• Der Archimedes-Code : auf den Spuren eines Genies, Antike Welt 2012, supplementum ad numerum tertium (cum expositione in Roemer- und Pelizaeus-Museum Hildesheim coniunctum).
• Giuseppe Ucciardello, "Hyperides in the Archimedes Palimpsest: paleography and textual transmission", BICS, 2009ː 229-254

Nexus externi

• Palimpsestus apud Google libros.
• The Archimedes Palimpsest Project Web Page
• "The recovered Archimedes planetarium" (libri nuntius editorius)