Arsenius Menščikov

Arsenius Ioannis f. Menščikov (Russ. Арсений Иванович Менщиков, in libris suis modo Germanico, tunc Russiae vulgato, Menstschikow), die 26 Octobris^[1] anni 1807 natus et die 30 Martis^[2] anni 1884 mortuus, fuit philologus et philosophus Russicus et poeta Latinus. Natus in gubernio Tueriensi, presbyteri filius, Tueriae et Mosquae et Berolini educatus, in Universitate Mosquensi docuit (annis 1848–1866}. De Cratylo Platonis dissertationem scripsit et Philebum Russice vertit. Carmina composuit Latina et Graeca, inter ea carmen, liberationem agricolarum anni 1861 laudans. Slavenophilis^[3], ut dicitur, propinquus, in oratione Latina de eruditione aetatis Byzantinae scientiam Russicam ad studia Byzantina vocat. Alexander Herzen nuptias eius memorat^[4].

Opera

In Platonis dialogum, qui inscribitur Cratylus, commentatio, Moscuae 1842
De eruditione et re litteraria Graecorum aetatis Byzantinae, Moscuae 1849
Филеб, диалог Платона, in: Пропилеи, IV, Moscuae 1854 (Philebi versio)

Notae

↑ Calendario Iuliano, scilicet 7 Novembris Gregoriano.
↑ Calendario Iuliano, scilicet 11 Aprilis Gregoriano.
↑ Russ. славянофилы.
↑ Герцен А.И. Собрание сочинений в 30 томах. Т. 22. Письма 1839-1847 гг. М., 1961. С. 170.

[1] Calendario Iuliano, scilicet 7 Novembris Gregoriano.

[2] Calendario Iuliano, scilicet 11 Aprilis Gregoriano.

[3] Russ. славянофилы.

[4] Герцен А.И. Собрание сочинений в 30 томах. Т. 22. Письма 1839-1847 гг. М., 1961. С. 170.

[1]

[2]

[3]

[4]