Athenaeum Regale Athense
Athenaeum Regale Athense schola primaria et secundaria Communitatis Francicae Belgicae in urbe Atho sita est.[1]
Historia
[recensere | fontem recensere]Anno 1416 magistratus urbis Athi discipulos lingua Latina a sacerdote docendos curabat. Schola tum "magna" tum "latina" appellabatur, serius etiam "collegium". Praeclarus inter discipulos scholae humanista et philologus Iustus Lipsius erat[2]. Schola anno 1794 clausa est, sed iam anno 1803 restituta, ab anno 1808 iterum "collegium" appellabatur, serius etiam "collegium regale" etsi schola urbis Athi erat et non Regni Batavi. Postremo anno 1881 in athenaeum regale commutata est, id est scholam secundariam Regni Belgici, nec iam urbis Athi.[3]
Disciplinae
[recensere | fontem recensere]Hodie quoque in Atheneo Regali Athensi lingua Latina docetur, sed etiam linguis Anglica Batavaque Hispanicaque (praeter linguam Francogallicam quae lingua publica est), mathematica, historia, geographia, physica, biologia, chemia, oeconomia et scientiis socialibus.[4]
Notae
[recensere | fontem recensere]- ↑ Coordinata geographica: primaria: 50°37'43" Sept. 3°46'39" Ort.; secundaria: 50°37'41" Sept. 3°46'52" Ort.
- ↑ Géographie du royaume des Pays-Bas et de ses colonies asiatiques.
- ↑ Jules Dewert, Histoire de la Ville d'Ath, Imprimerie Jules Leherte-Courtin, Rotnaci, 1903.
- ↑ Index disciplinarum in situ scholae.
Nexus externus
[recensere | fontem recensere] |
Haec stipula ad universitatem aut scholam spectat. Amplifica, si potes! |
De hac re nexus intervici usque adhuc absunt. Adde, si reppereris.