Blagaj

Blagaj est oppidum Bosniae et Herzegovinae, undecim chiliometra ad meridiem orientemque Mostari prope fontem fluminis Bune situm, cui sunt fere trium milium incolarum. Notum est propter aedificia Ottomanica, inter quae tekija vel domus mystica Sufistarum, circiter anno 1520 exstructa. Antiquitate in hoc loco castra Illyricum et Romanum exstabant; tempore imperatoris Iustiniani munimenta addita sunt. Constantinus Porphyrogenitus in libro De administrando imperio hunc locum, qui tunc ad Zachlumiam pertinebat, nomine Bona memorat. Per saecula, Blagaj diversis imperiis, inde a Stephano Nemania et domo Kotromanić usque ad Ottomanos, subiecta est. Saeculo XVI sedes provinicae Ottomanicae factum, meschitis, madrasa, pontibus lapideis, ac tekija ornatum est. Etiam hic fontes karst, seu calcarei, et reliquiae castelli saeculi XV reperiuntur. Hic Catharina, regina Bosnensis, nata est.

Nexus externi

Vicimedia Communia plura habent quae ad Blagaj spectant.

Situs geographici et historici: Locus: 43°15′27″N 17°53′41″E • OpenStreetMap • GeoNames