Carolus Eduardus de Bülow
Carolus Eduardus vulgo Karl Eduard de Bülow (natus die 17 Novembris 1803 Gut Berg procul Eilenburgum, mortuus die 16 Septembris 1853 Hohentannen in Districtu Weinfelden) scriptor et philologus Germanicus fuit necnon pater musici illustrissimi Ioannis de Bülow.
Vita
[recensere | fontem recensere]
Lipsiae linguis classicis studuit et inde ab anno 1828 Dresdae vixit. Ex anno 1842 plerumque in intineribus fuit in Italia, Stuttgardiae et Berolini antequam 1849 ob res politicas Germanicas ad Castellum Oetlishausen sibi emptum in Turgovia consideret. In matrimonium duxit anno 1828 Franciscam Stoll et, post divortium, anno 1849 Ludovicam de Bülow-Dennewitz, filiam generalis Borussici cuiusdam.
Gravitudo
[recensere | fontem recensere]Famam suam in litteris aperuit opere pretioso »Novellenbuch« (Lipsiae 1834–36), cui insunt novellae centum secundum exempla vetera tractatae quod sequebatur »Neues Novellenbuch« (Brunsvici 1841). Aemulator felix Ludovicum Tieck et propria opera vulgavit: »Eine Frühlingswanderung durch das Harzgebirge« (Lipsiae 1836); »Jahrbuch der Novellen und Erzählungen« (Brunsvici 1840; ubi invenitur historia captans »Die Jugend des armen Mannes in Tockenburg«); »Novellen« (Stuttgardiae 1846-1848); »Eine allerneueste Melusine« (Francofurti 1849) etc. Insuper in editione a Bülow confecta Ioannes Iacobus Christoffel de Grimmelshausen novis lectoribus gaudebat (»Simplicissimus«: Lipsiae 1836). Vulgavit conversionem comoediae »I promessi sposi« Alexandri Manzoni (editio altera, Lipsiae 1837), »Dramatische Werke« Frederici Ludovici Schröder (Berolini 1831), una cum Tieck trientem operum Novalis (Berolini 1848), porro »Heinrich von Kleists Leben und Briefe« (Berolini 1848), »Anthologie auf das Jahr 1782« Schilleri (Heidelbergae 1850) necnon »Militärische und vermischte Schriften« Adami Henrici Theodorici de Bülow (una cum W. Rüstow, Lipsiae 1853). Litteras Theodiscas memoriales ditavit editione commentariorum Frederici II gravionis electoris ad Rhenum (»Ein Fürstenspiegel«, Vratislaviae 1849).
Bibliographia
[recensere | fontem recensere]- Louis von Ahlefeldt: "Bülow, Eduard von", in: Allgemeine Deutsche Biographie, vol. 3 (Lipsiae: Duncker & Humblot, 1876), p. 517.
- Hans-Joachim Böttcher: Bülow, Carl Eduard von, in: Bedeutende historische Persönlichkeiten der Dübener Heide, AMF - Nr. 237, 2012, p. 16–17.