Catacecaumene

Catacecaumene
Kula Tepeleri

Situs in Turcia occidentali

Catacecaumene, Graece ἡ Κατακεκαυμένη "regio combusta", Turcice Kula Tepeleri, est pagus rupestris provinciae Magnesiensis ad Sipylum et regionis antiquae Lydiae in Turcia occidentali. Nomen Graecum, Latine etiam usitatum, ad naturam vulcanicam refert. Pagus omnis curiose a geographo antiquo Strabone describitur. Ibi parvi montes tres recenter igniferi in terra fere deserta, nigris sparsa saxis, eminentes, haud longe ab urbe Kula^(en) distant.

Monticulus ignifer regionis Catacecaumenae

Mons recentissimus, nomine Çakallar Tepe, ab aliis hodie aquis Demirköprü separatus, ad litus occidentale huius lacus iacet. Qui mons annis fere 25 000 a.p. ignes proiecisse censetur, ab illis hominibus observatus quorum vestigia, in cineribus novis impressa, sub monte reperta sunt. Qui fortasse eruptionem depinxerunt: repertus enim imaginis praehistoricae, montem igne vomentem ut videtur monstrantis, ibidem in pariete speluncae Kanlıtaş exaratae, anno 2011 nuntiatus est.

Bibliographia

Culmina rupestria regionis Catacecaumenae

• G. Akbulut, "Volcano Tourism in Turkey" in Patricia Erfurt-Cooper, ed., Volcanic Tourist Destinations (Berolini: Springer, 2014) pp. 88-102 (Paginae selectae apud Google Books)
• E. Akdeniz, "Some evidence on the first known residents of Katakekaumene (Burned Lands)" in Mediterranean Archaeology and Archaeometry vol. 11 (2011) pp. 69‐74
• "Catacecaumene" in Gulielmus Smith (1854). Dictionary of Greek and Roman Geography. Londinii: Walton & Maberly
• Inan Ulusoy et al., "Volcanic eruption eye-witnessed and recorded by prehistoric humans" in Quaternary Science Reviews vol. 212 (2019) pp. 187-198
• Henry Stephens Washington, The volcanoes of the Kula Basin in Lydia: inaugural dissertation. Novi Eboraci, 1894 Textus apud Internet Archive

Nexus externi

Vicimedia Communia plura habent quae ad Catacecaumenam spectant.

Situs geographici et historici: Locus: 38°34′38″N 28°31′12″E • Pleiades

• "Kula Volcanic Unesco Global Geopark" apud UNESCO