Chaonia

Chaonia (Graece Χαονία) fuit pars Epiri boreoccidentalis, quam Chaones incoluerunt. Ceterae Epiri partes Molossia et Thesprotia habebantur.

Strabo dicit Chaoniam extentam esse a montibus Acrocerauniis, ubi confinium Illyricum erat, usque ad Thyamidem fluvium, post quem Thesproti habitabant. Pars Chaoniae borealis nunc Albanica est.

Urbs Chaoniae maxima Phoenice fuit; ceterae urbes Cestrine, Chimaera, Buthrotum, Cassiope, Panormus, Ilium, Onchesmus, Antigonia et Palaeste.

In Aeneide Vergilii (III 295-335) Aeneas Helenum et Andromachen visitat, qui Troia capta et Neoptolemo mortuo in Chaonia regnant; Chaon, cuius nomen regioni datum est, Troianus fuit Heleni amicus, in venatu occisus vel morbo avertendo immolatus. Cestrinus Heleni et Andromachae filius Cestrinam urbem condidit.

Nexus externi

Situs geographici et historici: Locus: 39°52′40″N 20°0′0″E • Pleiades