Cisbaicalia
Cisbaicalia[1] (Russice Предбайкалье) est regio Siberiae ad occidentem Lacus Baicalis sita. Regionis Ircutensis partem australem occupat. Hic iugum Baicalense et planities montana Baicalensis Borealis siti sunt; Lena, Kirenga et Angara flumina hic fontes habent. Clima continentale est, cum hiemibus longis et frigidis et aestatibus tepidis. Taiga partem maiorem Cisbaicaliae operit.
Cisbaicalia pars "regionis Baicalensis"[2] est, quae et litora Baicalis orientalia includit.
Notae
[recensere | fontem recensere]- ↑ Novitates systematicae plantarum vascularium et non vascularium, 1970, p. 261; Preslia, vol. 44, 1972, p. 356; regio Cisbaicalensis, — Norae Zabinkovae et Moysis Kirpicznikov Nomina physico-geographica principalia URSS s.v. Предбайкалье..
- ↑ Norae Zabinkovae et Moysis Kirpicznikov Nomina physico-geographica principalia URSS s.v. Прибайкалье.
Nexus externi
[recensere | fontem recensere]
|
Situs geographici et historici: Locus: 52°50′0″N 106°10′0″E |
- Е.Г. Бандо, Предбайкалье: города и районы, 1976
- De Cisbaicalia in situ Siberiae Orientalis (Russice)