Costroma

Vide etiam paginam discretivam: Costroma (discretiva).

Costroma ^[1] (Russice Кострома), etiam dicta Castromowgorod^[2] seu Castromogardia^[3], est urbs Russiae, portus ad Rha fluvium metropolis regionis Costromensis. Circa 270 milia incolarum habet (anno 2010). In ostio fluminis eiusdem nominis stat.

In hac urbe nonnullae officinae sunt. Costroma etiam est sedes culturae (2 universitates, 2 academias aliaque instituta educationis, 3 theatra, musea, et pinacothecas habens). Certa monumenta historica ibi sita sunt.

Historia urbis

Monasterium Sancti Hypatii prope Costromam

Costroma condita est saeculo XII, annus primae mentionis urbis in chronica est 1213. Ab anno 1246 Costroma erat metropolis ducatus, anno 1364 facta est pars ducatus Moscoviae.

Saeculo septindecimo ineunti, aetate turbida in Russia, incolae urbis in bello contra Polonos aliosque interventes participaverunt. Michael Romanov in monasterio Sancti Hypatii prope Costromam latens, ibi ad thronum invitus est et dein factus est primus tzar novae domus monarcharum Russiae.

Annis 1778–1929 Costroma fuit administrativa gubernii sedes. Anno 1943 facta est metropolis regionis.

Notae

Nexus externus

Situs geographici et historici: Locus: 57°46′5″N 40°55′37″E • GeoNames • Facebook Places • Store norske Lexikon

Vicimedia Communia plura habent quae ad Costromam spectant.

[1] A. Guagnini, Sarmatiae Europaeae descriptio; Atlas Russicus, p. 4

[2] S. de Herberstein, Rerum Moscoviticarum commentarii, p. 93

[3] G. Kolb, Compendium totius orbis', p. 407

[1]

[2]

[3]