Crematio librorum et humatio eruditorum
Crematio librorum et humatio eruditorum (Sinice: 焚書坑儒, simpliciter 焚书坑儒 Fénshū Kēngrú) est ratio reipublicae gerendae et series casuum qui in domu Qin Sinae Antiquae inter annos 213 a.C.n. et 206 a.C.n. evenerunt.
Crematio librorum
[recensere | fontem recensere]
Secundum Tabulas Magnifici Historici (史記 Shiji), post annum 221 a.C.n., cum Qin Shi Huang, primus Sinae Imperator, civitatem Sinensem in unam dicionem coegeret, Li Si, princeps consilii, suasit ut libertas sermonis supprimeretur ut omnes populi cogitationes opinionesque unius generis essent. Anno 213 a.C.n., omnes magni aestimati Centum Scholarum Cogitationis in publicis aedium regiarum tabulis libri, praeter ei propriae Li Si scholae philosophiae, appellatae Legalismi, cremari coeperant. Qin Shi Huang eas historias cremavit ne suam dominationem suffoderent, et iussit ut sui proprii libri scriberentur.
Li Si iussit Librum Poetices, Librum Historiae, et opera ab eruditis scholarum variarum scripta dari administratoribus locorum ut cremarentur; quoslibet hos libros disputaret supplicium sumi; quos exemplis antiquis res publicas insectatos essent supplicium sumi, cum eorum familiis; auctoritates qui casus observatos non referrent esse aeque sceleratos; et quos triginta diebus post edictum libros proscriptos non cremaverint ad septentrionales eici ut scelesti in aedificatione Muri Sinici laborarent. Libri parsi fuerunt solum libri de medicina, agricultura, et praedictione.[1]
Humatio eruditorum
[recensere | fontem recensere]Altero proscriptionis anno, Qin Shi Huang, quia duo alchemistae de potione immortalitatis eum falso dixissent, iussit ut plus quam quadringenti sexaginta alchemistae eruditique tunc in capite vivi humarentur. Princeps Fusu tamen imperatori suasit ut, civitate in dicionem unam coita et hostibus non iam pacatis, consilium talis asperitatis contra quos Confucium venerabantur inconstantiam publicam efficeret.[2] Imperator autem iam statuerat ut decretum confiat, et principem in exsilium ad confinia relegavit.
Celeritas casus Domus Qin huic proscriptioni attributa est. Confucianismus redintegratus est in Domu Han, quae secuta est, et factus est ideologia imperialis civitatis Sinicae. Multae aliae scholae cogitationis evanuerunt.
Cultura popularis
[recensere | fontem recensere]Eidem eventus accidunt in Gradu in Praeterita, dramate televisifico in Hong Kong facto. Zhou Pan (Ying Zheng, false Qin Shi Huang appellatus), ut homines non cognoscant quis sit, necesse est Hong Siu Long, suum magistrum, necare; mors autem Hong se nocebit quia Hong est "causa" Zhou Pan regni.