Crux (constellatio)

Indicia Crucis constellationis
Nomen	Crux (australis)
Abbreviatio	Cru
Ascensio recta	11 h 56 min ad 12 h 58 min
Declinatio	-55° 40´ ad -64° 40´
Area	68 gradus quadrati, ordo: 88
Videri potest inter	+25° et −90°
Stellae magnitudinis < 3m	4
Stella luminosissima	Acrux (α Cru)
Magnitudo luminosissimae stellae	0.8m
Constellationes finitimae (a septem trionalibus sensu negativo)	Centaurus Musca

Crux, vulgo Crux australis, quamvis sit parva, lucida tamen est notissimaque constellatio in caelo australi. Namque quattuor lucidissimae stellae crucem illustrem in caelo sitam fingunt. Constellatio media in Via Lactea videtur. Sub constellatione spectari potest nubes obscura, Saccus carboneus appellata.

De historia

Crux australis non est inter quadraginta octo constellationes temporum antiquorum. Quibus temporibus quidem etiam in caelo septentrionali spectari poterat, sed stellae ad Centaurum constellationem attributae erant. Praecessio Telluris ita in meridionem nunc mota est ut non iam in hemisphaera septentrionali spectari possit.

Saeculo sexto decimo, nautae Europaeae maria australia perlustrantes hanc constellationem nominabant, qua utebantur ut viam invenirent, cum axis recta polum caelestem australem despectet.

Stellae

Si plus cognoscere vis, vide etiam Stellae Crucis.

Stella	Magnitudo	Magnitudo absoluta	Intervallum (sla)	Classis spectralis
Acrux (α Cru)	0,77	-4,19	321	B0.5 IV + B2 IV + B4
Mimosa (β Cru)	1,25	-3,92	353	B0.5 III
Gacrux (γ Cru)	1,59	-0,56	88	M4 III + A3
δ Cru	2,79	-2,45	364	B2 IV
ε Cru	3,59	-0,63	228	K3/K4 III

N. b. : Numeri excerpti sunt e mensionibus satellitis Hipparcos nominatae Hipparchos catalogue: query form apud archive.ast.cam.ac.uk.

Stella lucidissima, Acrux (α Crucis) candida stella multiplex 370 spatia lucis annuae remota est (v. i.). Duae stellae Acrucis lucidissimae stellae classium spectralium B1 vel B2 sunt, tertia e classe B4 est. Eae iam in parvo telescopio disiungi possunt.

• Mimosa (β Cru), ca. 400 sla remota, e classe spectrali B0 est.
• Gacrux (γ Cru) stella duplex 120 spatia lucis annuae remota est, altera classis M3, altera A3 est. Intervallum harum stellarum 128 arcus secundae est ut facile disiungantur.
• ε Crucis stella variabilis est, cuius magnitudo inter 3,4 et 4,0^m variat. Quae 150 spatia lucis annuae remota classis spectralis K3 III est.

Si a Cruce ad meridiem et occidentem spectas, invenies claram nebulam obscuram Saccum Carboneum appellatam. Quae nubes e gaso ac pulvere constans 2000 sla remota est.

Vexilla Crucem Australem monstrantia

Res publicae Australia, Samoa, Nova Zelandia, Papua Nova Guinea, et Brasilia necnon tres regiones Australiae (Victoria, Australiae Capitis Regio, et Regio Septentrionalis) crucem in vexillis suis monstrant. Etiam Insula Natalicia, pars Australiae in Oceano Indico, crucem in vexillo proprio non publico praebet.

• 
  Papua Nova Guinea
• 
  Insula Natalicia
• 
  Samoa
• 
  Nova Zelandia
• 
  Australia
• 
  Victoria
• 
  Australiae Capitis Regio
• 
  Regio Septentrionalis (Australia)
• 
  Brasilia
• 
  Insigne Brasiliae
• 
  Región de Magallanes y de la Antártica Chilena

Nexus interni

• Crux septentrionalis

Nexus externi

• "Crux" apud Chris Dolan, The Constellations and their Stars
• "The Constellations" apud situm Internationalis Unionis Astronomicae

Constellationes nominibus Latinis digestae

Constellationes abbreviationibus digestae

Zodiacus