Cassiopeia (constellatio)

Data Cassiopeiae constellationis
Nomen	Cassiopeia
Abbreviatio	Cas
Situs	in caeli linea aequinoctiali
Ascensio recta	22 h 56 min ad 03 h 38 min
Declinatio	+77° 40’ ad +46° 40’
Area	598 gradus quadrati ordo: 25
Videri potest inter	+90° ac -12°
Numerus stellarum magnitudinis < 3m	4
Stella lucidissima, Magnitudo	Schedir (α Cas), 2,2m
Constellationes finitimae (a septentrionalibus sensu negativo)	Camelopardalis Cepheus Lacerta Andromeda Perseus

Cassiopeia constellatio spectabilis in caelo septentrionali sita est. Lucidissimae quinque stellae huius constellationis litteram W in caelo fingunt. Qua de causa etiam W caeli appellari potest. Apex media illius litterae W ad Polarem monstrat, ut illa facile reperienda sit.

Iuxta Chaph stellam (β Cas), quae maxime ad orientem spectat, Colur, id est meridianus princeps (0° ascensionis rectae) situs est.

Regio Cassiopeiae constellationis stellis abundat, cum Via lactis per illam ducitur. Etiam nonnulli cumuli stellarum aperti hic spectandi sunt.

In Cassiopeia constellatione etiam illa nota fons radiorum longiorum situs est, cui nomen Cassiopeia A datum est.

De historia

Cassiopeia inter illas 48 constellationes temporum antiquorum numeratur et iam a Ptolemaeo descriptum est.

De nomine

Secundum mythologiam Graecam Cassiopeia uxor regis Aethiopi Cepheus erat eademque mater Andromedae.

Stellae

Si plus cognoscere vis, vide etiam Stellae Cassiopeiae.

Stella	Nomen vel Distantia	Magnitudo
α Cas	Schedir	2,2m
β Cas	Chaph	2,3m
δ Cas	Ruchbah	2,7m
η Cas	Achird A/B 13"	3,5m/7,5m
ιCas	2,5"	4,6m/6,9m
φCas	134"	5,0m/7,0m
λCas	0,6"	5,3m/5,6m

Schedir lucidissima stella in Cassiopeia sita est. Quae stella 120 sla a Sole remota e classe spectrali K0 V est.
Sequitur stella Chaph nominata, circa 46 spatia lucis annuae remota et classis spectralis F2 V.

Ruchbah, 80 sla remota, e classe spectrali A5 V est.

η Cassiopeiae ex duabus stellis constat, tantum 19,41 sla remota. Achird A est stella lutea classis spectralis G0 V quae comitatur a stella rubra η Cassiopeiae B classis spectralis M0 V.

Systema ι Cas, 150 sla remota exstat e duabus stellis caeruleis classium A4 V et F5 V.

Annis 1181 et 1572 (et fortasse etiam 1680) in Cassiopeia stellae supernovae illucuere. Illa stella supernova anni 1572 ab astronomo clarissimo Tychone Brahe descripta est.

Nexus externi

• "Cassiopeia" apud Chris Dolan, The Constellations and their Stars
• "The Constellations" apud situm Internationalis Unionis Astronomicae

Constellationes nominibus Latinis digestae

Constellationes abbreviationibus digestae

Zodiacus