Czernihovia
Czernihovia
Locus: 51°29′38″N 31°17′41″E
Numerus incolarum: 286 899
Zona horaria: UTC+2, UTC+3
Situs interretialis
Nomen officiale: Чернігів
Gestio
Consilium: Chernihiv City Council
Procuratio superior: Chernihiv Raion
Geographia
Coniunctiones urbium
Czernihovia,[1] Czernigowia,[2] Czernichovia,[3] seu Tzernogavia[3] (Ucrainice: Чернігів, tr. Černihiv ; Russice: Чернигов, tr. Černigov), urbs est in Ucraina, in dextra fluminis Desnae ripa sita, metropolis regionis Czernihoviensis. Sedes industriae, portum, aeroportum, et stationem ferriviarum habet. Ibi sunt quaedam instituta studiorum, scholae technicae, musea, theatrum, et nonnulla monumenta historiae culturaeque. Fere 290 milia hominum urbem incolunt (anno 2017).
Historia
[recensere | fontem recensere]
Czernihovia est urbs antiqua, primo memorata anno 907. Saeculo nono fuit metropolis unius gentium Slavicarum orientalium, Severiani, seu, secundum Sigismundi de Herberstein Rerum Moscoviticarum Commentarios,[2] Seweri nominatae. Saeculo nono exeunti, urbs inclusa est in regno Ruthenico. Saeculis decimo–duodecimo fuit magni valoris sedes industriae commerciaeque. Saeculis ab undecimo ad tertium decimum fuit metropolis ducatus Czernihoviensis. Anno 1239, Mongolo-Tatari urbem destruxerunt. Saeculo quarto decimo, urbs adiuncta est a Magno Ducatu Lituaniae. Anno 1503, facta est pars Magni Ducatus Moscoviae. Anno 1611, occupata est a Polonia (anno 1635 caput palatinatus eius facta), et anno 1654 denuo sub potestatem Russiae ("Moscoviae") venit. Ab anno 1797, urbs, nunc situs commerciae regionis, fuit metropolis guberniorum Imperii Russici. Post detritum imperii illius, urbs facta est pars Ucrainae, cuius regionum metropolis est ab anno 1932. Tempore Belli Magni Patrii copiae Germaniae Czernihoviam occupabant ab 9 Septembris anni 1941 ad 21 Septembris anni 1943; multas eversiones affecerunt urbi illi, quae post bellum restaurata est.
Cives clari
[recensere | fontem recensere]- Natalia Denisenko (*1989), actrix
Notae
[recensere | fontem recensere]- ↑ Iohannes Iacobus Hofmannus, Lexicon universale (1698) ~ tom. I., p. 1072.
- ↑ 2.0 2.1 Sigismundi de Herberstein Rerum Moscoviticarum Commentarii.
- ↑ 3.0 3.1 J. G. Th. Graesse, Orbis Latinus, Brunopoli 1972, vol. I, p. 621 (ubi errabunde Čerykaŭ(be).urbs Rutheniae Albae indicatur).
Nexus externi
[recensere | fontem recensere]
|
Vicimedia Communia plura habent quae ad Czernihoviam spectant. |
|
|
Situs geographici et historici: Locus: 51°29′38″N 31°17′41″E • OpenStreetMap • GeoNames • Treccani • Большая российская энциклопедия |
 | |
|
Charcovia • Chersonium • Chmielnicius • Circassium • Czernihovia • Czernovicum • Danapris • Donetsk • Eractum • Ivano-Frankivsk • Kiovia • Kropyvnyc'kyj • Leopolis • Luceoria • Nicolaopolis • Odessa • Poltava • Pratalia • Sebastopolis • Sumae • Sympheropolis • Tarnopolis • Uzhorodum • Vinnicia • Zaporizhia • Zitomiria | |