Dioecesis Campitemplensis
| Dioecesis Campitemplensis | |
|---|---|
| |
| Indicia fundamentalia[1] | |
| Episcopus: | Elmar Fischer |
| Auxiliarius: | |
| Vicarius generalis: | Benno Elbs |
| Provincia ecclesiastica: | Archidioecesis Salisburgensis |
| Decanatus: | 9 |
| Paroeciae: | 124 |
| Presbyteri dioecesani: | 148 |
| Presbyteri religiosi: | 66 |
| Diaconi perpetui: | 18 |
| Religiosi: | 82 |
| Religiosae: | 285 |
| Area: | 2 601 km2 |
| Incolae: | 383 161 |
| Catholici: | 265 110 |
| Portio: | 69.2% |
| Ritus: | Romanus |
| Ecclesia cathedralis: | Sanctus Nicolaus |
| Pagina interretialis: | [1] |
Dioecesis Campitemplensis[2] (Theodisce: Diözese Feldkirch) est dioecesis Austriaca Ecclesiae Catholicae, suffraganaea Archidioecesis Salisburgensis, cui cura pastoralis civitatis Cisarulanae - excepto territorio abbatiae sui iuris Maris Stellae (Wettingen-Mehrerau) – pertinet.
Episcopi
[recensere | fontem recensere]- Bruno Wechner (1968–1989)
- Nicolaus Küng (1989–2004)
- Elmar Fischer (ab 2005)
Historia
[recensere | fontem recensere]Territorium hodiernae dioecesis olim, qua parte in meridiem spectat, ad dioecesim Curiensem, parte septentrionali ad dioecesim Constantiensem pertinebat. Annis 1816-1819 hae regiones dioecesi Brixiensi adiunctae sunt, Campitempli autem in Cisarulana Vicariatus generalis erectus est, cuius vicarii simul episcopi auxiliares dioecesis Brixiensis erant. Cum post primum bellum mundanum Tirolis Meridionalis cum Brixia Italiae adiunctus est, die 12 Decembris 1925 Administratura Apostolica Oenipontana-Campitemplensis creata est Sanctae Sedi immediate subiecta. Die 6 Augusti 1964 Administratio Apostolica ad dioecesim Oenipontanam evecta est[3], cui initio etiam territorium Cisarulanum subditum erat. Die 8 Decembris 1968 denique papa Paulus VI constitutione Apostolica Christi caritas[4] dioecesim Campitemplensem erexit. Bruno Wechner primus episcopus Campitemplensis factus est.
Notae
[recensere | fontem recensere]- ↑ "Dioecesis" e The Hierarchy of the Catholic Church (situs a Davide M. Cheney elaboratus) (Anglice), fons AP 2007
- ↑ "Dioecesis" e The Hierarchy of the Catholic Church (situs a Davide M. Cheney elaboratus) (Anglice)
- ↑ CONSTITUTIO APOSTOLICA OENIPONTANAE, A.A.S., vol. LVII (1965), n. 5, pp. 365-366
- ↑ Christi caritas, A.A.S., vol. LXI (1969), n. 4, pp. 233-234
Nexus externi
[recensere | fontem recensere]- Ecclesia catholica Cisarulana: Pagina domestica
Bibliographia
[recensere | fontem recensere]- Elmar Schallert: Geschichte der Diözese Feldkirch. In: Jahrbuch der Katholischen Kirche in Österreich 1998. Vindobonae 1998, ISBN 3-9500963-0-2