Dionysius Iosephus Vuillemot
Dionysius Iosephus, vulgo Denis-Joseph Vuillemot (Crispei natus die 18 Aprilis 1811; mortuus anno 1876)[1] fuit coquus. Filius ganearii, munus patris (sed contra huius voluntatem) suscepit. Tiro apud Véry Lutetiae anno 1826 laborabat; postea discipulus fuit Antonini Carême.
Ab 1837 Crispei in taberna La Bannière de France iuxta patrem operam dedit, sed ab 1842 deversorium Hôtel de la Cloche Compendii usque in annum fere 1857 direxit. Ibi amicus fuit scriptoris Alexandri Dumas, qui eum iam Crispei cognoverat. Vuillemot postea popinam Restaurant de France Lutetiae rexit. Ibi anno 1863 cenam satis celebrem paravit, Alexandro Dumas nuper a Russia redito dicatus. Deinde La Tête Noire Marnae prope oppidum S. Clodoaldi possedit. Dumas opus magnum suum titulo Grand Dictionnaire de cuisine (Lutetiae: Lemerre, 1873) amico Vuillemot dedicaverit.
Notae
[recensere | fontem recensere]- ↑ 1876 fide Livres Cuisine Histoire et Gazette Drouot
Bibliographia
[recensere | fontem recensere]
- François Callais, "Alexandre Dumas et Vuillemot à l'Hôtel de la Cloche" in Bulletin: Société de l'Histoire de Compiègne no. 28 (1980) pp. 183-195
- "Vuillemot (Denis-Joseph)" in Alexandre Dumas, Grand Dictionnaire de cuisine (Lutetiae: Lemerre, 1873) pp. 1129-1134
- Gabrielle Le Brasseur; Mary Hooper, interpr., Hints on cookery and management of the table (Londinii: Spencer Blackett, 1891) pp. 27-28
- "Saint-Evremond and the Invention of French Connoisseurship" in Thomas Parker, Tasting French Terroir: The History of an Idea. Berkeleiae: University of California Press, 2015 (Paginae selectae apud Google Books)
Nexus externi
[recensere | fontem recensere]- "Un Caucasien très gascon, le couteau d’Alexandre Dumas" apud Forge de Laguiole; cf. hic
- François Callais, "Alexandre Dumas à Compiègne"