Experiment in Terror (pellicula 1962)
Experiment in Terror ('Experimentum terroris') est pellicula formidulosa Americana generis neo-noir, anno 1962 divulgata, cui conficiendae Blake Edwards moderatus est. Scriptum scaenarium factum est a Gordon Gordon et Mildred Gordon secundum Operation Terror, fabulam anno 1961 divulgatam. Musica pelliculae ab Henrico Mancini composita est.
Argumentum
[recensere | fontem recensere]Kelly Sherwood, iuvenis officialis argentariae Franciscopolitana, dum ex opere domum redit, in virum quendam incidit, qui in tenebris ei imminet: nisi petenti ex argentaria dollaria 100 000 intercipere concesserit, ipsam sororemve Toby interfectum iri. Haud cunctanter Kelly Ioannem Ripley praefectum biocolytarum de his minis certiorem facit. Ripley eam, ut minatori morigeretur, monet, et mox comperit minatorem esse Red Lynch, homicidam a biocolytis quaeritatum.
Ripley adire conatur Lynchii amicam Lisam Soong, cuius filio sex annos nato modo coxa reposita est, et cum Lynch pretium pro curatione pueri solveret, Lisa credere nequit Lynchium scelestum esse. Itaque inquisitioni adesse recusat. Interea Toby Sherwood in potestatem Lynchii incidit, et die statuto Kelly pecuniam Lynchio subripit seque confert ad locum conveniendi in Candlestick Park, ubi San Francisco Giants cum Los Angeles Dodgers basipila certat. Ubi primum Lynch pecuniam accipit, Ripley subito interventu inopinantem opprimit. Lynchium initio in turba hominum effugere conatum Ripley sclopeto occidit.
Distributio partium
[recensere | fontem recensere]- Glenn Ford: Ioannes Ripley
- Lee Remick: Kelly Sherwood
- Ross Martin: Red Lynch
- Stephania Powers: Toby Sherwood