Gymnasium Senatorium Evangelicum Erfordiense
Gymnasium Senatorium Evangelicum (Theodisce Evangelisches Ratsgymnasium) situm est media in urbe Erfordia. Tantummodo ibi discipulos docent linguam Graecam antiquam, quod attinet ad lycea in Thuringia.
Historia ludorum
[recensere | fontem recensere]Condita est schola anno 1561 in pristino conventu Augustinianorum Erfordiensi ubi Martinus Lutherus monachus olim erat. Multi magni homines discipuli istius gymnasii fuerunt, velut auctor Casparus Stieler. Anno 1741 professor hic factus est musicographus Iacobus Adlung. Universitata Hierana clausa (1816), Gymnasium senatorium videtur fuisse praestantissima institutio eruditionis in tota urbe!
Anno 1820, regimen Borussicum abolevit hoc gymnasium introducturus introducens typum sex classium neohumanisticum secundum notiones Alexandri de Humboldt. Gymnasium Regium apertum est in viculo Eichenstraße, quod paulo post translatum est in aedificium iesuitarum. Ut antea possedit omnia urbs Erfordia ipsa sub oculis rectionis Berolinensis.Ab anno 1844 exercitatio gymnica sub divo instituta est; initio ante portam Schmidtstedter Tor, deinde propter viarum ferrearum constructiones ante portam Andreastor. Multo post acquisita est area ad occidentem aulae scholaris sita, ubi se exercentes melius agerent. Anno 1868 classes plures novae constitui debuerunt ob multitudinem scholasticorum. Linguae hoc ordine docebantur: Latina, Francogallica, Graeca antiqua, Hebraica - postrema scilicet tantummodo pro theologis futuris. Vita scholaris cum statisticis in annuario quotannis edendo explicabatur.
Post annum 1820 nuncupatum est Regium Gymnasium (Königliches Gymnasium), post Bellum Pancosmicum Primum parco modo Gymnasium Publicum (Staatliches Gymnasium). Ob novas leges eruditionis in sic dicta Germana Democratica Respublica finem habuit anno 1950.
Initia nova
[recensere | fontem recensere]Anno secundo post Germanam reunificationem viri olim scholastici acriter studebant novae fundationi et id revera factum est anno 1992 sub tutela Ecclesiae Evangelicae C.A.: iam non in aedificio antiquo in via Schilleri sed in centro metropolis apud Ecclesiam Fratrum praedicatorum.
Anno 2014 hic Congressus XCI esperantistarum Germanicorum celebratus est.
Res hodiernae
[recensere | fontem recensere]Anno scholastico 2022/23 discipuli discipulaeque 620 instruuntur cura magistrorum magistrarumque 42. Quamquam linguae et artes musicae traditionaliter maximi momenti sunt, tamen etiam scientiae naturales et artes gymnasticae optime coluntur. Aquinci est gymnasium protestanticum, quocum familiaritas contracta est.[1]
Rectores scholae
[recensere | fontem recensere]- Paulus Dumerichius, 1562-1571
- Basilius Faber, 1571-1575
- Paulus Dumerichius, 1575-1583
- Antonius Möcker, 1583-1602
- Henning Rennemann, 1601-1612
- Ioannes Retsch, 1612-1616
- David Zinckernagel, 1616-1643
- Liborius Capsius, 1643-1654
- Iustus Herbert Boetticher, 1654-1655
- Zacharias Hogel senior, 1655-1676
- Zacharias Hogel iunior, 1676-1714
- Arminius Nicolaus Stieler, 1714-1754
- Eusebius Ernestus Stieler, 1754-1759
- Arminius Ernestus Rumpel, 1759-1777
- Henricus Augustus Frank, 1778-1794
- Ioannes Ioachim Bellermann, 1794-1804
- Ioannes Jakob Friedrich Sinnhold, 1804-1805
- Ioannes Ernestus Möller, 1805
- Ioannes Christoph Petri, 1805-1807
- Ioannes Friedrich Müller, 1807-1820
- Ioannes Gottlieb Friedrich Strass, 1820-1843
- Georgius Schöler, 1843-1864
- Ioannes Adam Hartung, 1864-1867
- Adolphus Fredericus Adalbertus Dietrich, 1867-1881
- Adalbertus Hartung, 1882-1887
- Gottlieb Leuchtenberger, 1888-1891
- Georgius Friedrich Heß, 1892-1893
- Ricardus Thiele, 1893-1907
- Ioannes Biereye, 1908-1924
- Georgius Boesch, 1924-1937
- Heribertus Holtdorf, 1937-1939
- Gulielmus Rögels, 1939-1945
- Gottfried Wolterstorff, 1945-1950
- Hieronymus Krause, 1950-1951
- Robertus Schilling, 1992-2000
- Michael Friese, 2001-2020
Βibliographia
[recensere | fontem recensere]- Barczyk, Volker: Publikationen zum Erfurter Ratsgymnasium. Apud: Jahrbuch 1999, Erfordiae 1999
- Barczyk, Volker: Kurze Übersicht der Geschichte des Evangelischen Ratsgymnasiums 1820-1896. Apud: Jahrbuch 2000, Erfordiae 2000
- Eifler, Gerald: Zur Geschichte des Erfurter Gymnasiums 1911-1950, hrg. von der Vereinigung ehem. Schüler und Freunde des humanistischen Gymnasiums zu Erfurt, FS-Druck, Bonnae 1965
- Königliches Gymnasium zu Erfurt. Jahresberichte des Königlichen Gymnasiums zu Erfurt 1854-1913, Gerhardt & Schreiber/Bartholomäus, Erfordiae annis inter 1854 et 1914
- Schilling, Robert: Evangelisches Ratsgymnasium Erfurt 1992-1995. Erfordiae 1995
- Weiß, Ulman: Das Erfurter Evangelische Ratsgymnasium 1561-1820, Erfordiae 1999
- Weiß, Ulman: Aus der Geschichte des Erfurter Ratsgymnasiums. Apud: Thüringer Tageblatt, mense Novembri 1991
- Michael Friese / Karl Heinemeyer / Michael Ludscheidt (Hrsg.): 450 Jahre Ratsgymnasium Erfurt 1561–2011 (Festschrift), Evangelische Verlagsanstalt, Lipsiae 2011, ISBN 978-3-374-02867-2
Nexus externi
[recensere | fontem recensere]
|
Lege Προτεσταντικὸν Συγκλητικὸν Γυμνάσιον ("Gymnasium Senatorium Evangelicum Erfordiense") apud Vicipaediam lingua Graeca antiqua scriptam |