Heribertus Kickl
Heribertus vulgo Herbert Kickl (natus Santici die 19 Octobris 1968) est vir publicus Austriacus et dux Factionis Liberae.
Vita
[recensere | fontem recensere]Absolutorio? scholastico accepto (discipulus fuerat in gymnasio Spittal? urbis), annis inter 1987 et 1988 stipendia in exercitu Austriaco meruit. Ab anno 1988 politicis scientificis diurnariisque, ab anno insequenti philosophiae et historiae studebat. Annis inter 1995 et 2001 in schola politica Academia Libera(de) operam dedit, praecipue in suffragiis meliorandis. Ibique anno 2001 vicarius negotiorum curator, annis ab 2002 ad 2006 praefectus factus est. A mense Aprili 2005 usque ad Decembrem 2017 "Neue Freie Zeitung" periodicum curavit; eodem tempore secretarius generalis factionis suae fuit. Freiheitliches Bildungsinstitut instituto superiori praefuit ab anno 2016, et id usque ad mensem Septembrem 2021.? Inde a mense Iunio 2021 princeps foederalis factionis est.
In parlamentum Austriacum mense Octobri 2006 cooptatus est, ubi usque ad Decembrem 2017 sedebat. Deinde minister rerum internarum factus est (usque ad Maium 2019). Postea iterum simplex legatus erat. Ab Octobri 2019 in curia coetui factionis suae praefuit (quo munere iam iam vicarie functus erat annis inter 2006 et 2017). Postquam Carolus Nehammer cancellarius foederalis magistratu se abdicavit, die 6 Ianuarii 2025 novum regimen foederale componere iussus est.[1] Mandata ea post mensem remisit.[2]
Notae
[recensere | fontem recensere]- ↑ "Van der Bellen beauftragt Kickl mit Regierungsbildung – Nehammer tritt am Freitag als Kanzler zurück" - apud Der Standard, 6 Ianuarii 2025.
- ↑ "Kickl ist immer im Wahlkampfmodus" apud: orf.at, 13 Februarii 2025.