Herodes Atticus

Herma Herodis Attici in villa sua apud Kephissiam

Herodes Atticus (Graece Ἡρώδης ὁ Ἀττικός; Latine etiam Lucius Vibullius Hipparchus Tiberius Claudius Atticus Herodes Marathonius; natus circa annum 101; mortuus anno 177) fuit rhetor Graecus et senator Romanus. Etiam philosophiae studebat.

Familia

Filius Tiberii Claudii Attici Herodis senatoris et consulis suffecti erat. Uxor eius Regilla erat, ex quo quattuor liberos habuit, quorum solus Tiberius Claudius Marcus Appius Atilius Bradua Regillus Atticus patri superfuit.

Cursus honorum

Praeter compluros magistratus patriae Athenarum et Romae honores adeptus est: Erat quaestor candidatus principis anno 129, tum tribunus plebis et praetor (133), anno 134 legatus ad componendas urbes Asiae et proconsul eius provinciae 134/135 erat et tandem anno 143 consul ordinarius. Iurgiis factis cum aliquibus magistratibus, anno 174 ab Antonino Pio relegatus, sed anno sequenti Marco Aurelio auctore revocatus est.

Aedificia

Herodes Atticus ditissimus civis Athenarum patriam multis et pulcherrimis aedificiis ornavit, ut stadia Athenis et Delphis, Nymphaeum Olympiae, Odea Athenis et caetera. In primis stadium ad flumen Ilissum totum e marmore Pentelico summa magnificentia inter 140 et 144 exstruxit.

Philiosophia et ars dicendi

Herodes Atticus eruditissimus et humanissimus vir erat, quem Antoninus Pius filiis suis Marco Aurelio et Lucio Veromagistrum fecit.

Bibliographia

• Papalas, A. J., "Herodes Atticus: An essey on education in the Antonine age", History of Education Quarterly, Vol. 21, No. 2 (Summer, 1981), pp. 171-188.

Nexus externus

Vicimedia Communia plura habent quae ad Herodem Atticum spectant.

• De Herode Attico in A dictionary of Greek and Roman biography and mythology, I, Londinii, anno 1870, p. 413

Antecessores: Lucius Cuspius Pactumeius Rufinus et Lucius Statius Quadratus

Consul 143 cum Gaio Bellicio Torquato

Successores: Lucius Hedius Rufus Lollianus Avitus et Titus Statilius Maximus