Ioannes Stephanus Maria Portalis

Ioannes Stephanus Maria vulgo Jean-Étienne-Marie Portalis (natus Le Beausset apud Telonem Martium die 1 Aprilis 1746; Lutetiae mortuus die 25 Augusti 1807) fuit iuris consultus et politicus Francicus, Academiae Francicae sodalis, in Academiam anno 1803 cooptatus est. Portalis fuit inter homines qui Codicem Civilem Francicum paraverunt.

Vita

Portalis Aquis Sextiis munere advocati fungebatur et anno 1793 Lutetiae in custodiam missus est. Liberatus post finem Terroris Regiminis iurisconsultus in Francogalliae capite fuit. Anno 1795 curialis simplex factus est et anno 1796 praeses secundae camerae parlamentariae. Orator optimus factionem modestorum iuvabat cum Directorio inimice concurrens. Expulsionis in Guianam condamnatus in Holsatiam confugit.

In patriam reversus a Napoleone I commissarius gubernatorius tribunalis maritimi declaratus est. Membrum in consilio statali, ubi anno 1801 sedem et suffragium obtinuit, Codicem civilem cum aliis confecit. Cum in pace cum Ecclesia Catholica Romana concilianda operam dedisset (concordato faciendo), anno 1803 senator et anno 1804 minister in educatoriis nominatus est. Constat eum publice in monarchia servanda multa egisse. Sepultus est in Pantheo Parisiensi.

Praeter opus captans »Discours, rapports et travaux inédits sur le Code civil« (Lutetiae 1844) et librum »Discours etc. sur le concordat de 1801« (Lutetiae 1845), quae post mortem a Frederico Portalis edita sunt, habemus etiam »De l'usage et de l'abus de l'esprit philosophique durant le dix-huitième siècle« (Lutetiae 1820).

Bibliographia

Markus Alexander Plesser: Jean Etienne Marie Portalis und der Code civil,, Duncker und Humblot, Berolini 1997

Nexus externi

Opera ab hoc homine vel de eo scripta apud Bibliothecam Nationalem Germanicam (Theodisce)
Biographia
Portalis inter Academiae immortales