Jaew bong

Ars coquinaria Laotiana: jaew bong, embamma e capsicis et tergilla bubalina confectum

Jaew bong, litteris Lao ແຈ່ວບອງ, est embamma pungens et dulce e capsicis et tergilla bubalina in arte coquinaria Laotiana adhibitum. Inter embammata jaew enumeratur.

Allia et ascalonica igne torrentur, lavantur, decorticantur, conteruntur. Capsica sicca friguntur; tergilla bubalina frigitur, raditur, in frustula caeditur, aqua salsa mergitur. Hoc omne cum sale, liquamine, galanga concisa, coriandro viridi rursus contritur.

Bibliographia

Ars coquinaria Laotiana: folia kai pen (plantae aquatilis Cladophorae glomeratae) aromatibus condita et tosta cum embammate jaew bong inlata

• Alan Davidson, Jennifer Davidson, edd., Phia Sing: Traditional Recipes of Laos (Londinii: Prospect Books, 1981) pp. 196-197 (Laotiane, Anglice) recensio interretialis

Nexus externi

• "Jeow Bong ແຈ່ວບອງ: Luang Prabang Chili Paste" apud Food from Northern Laos