Lingua Kumauni
| Lingua Kumauni कुमाँऊनी | |
|---|---|
| Taxinomia | Lingua Neoindica e divisione Indoiranica familiae Indoeuropaeae |
| Locutores | 2 360 000[1] |
| Sigla | 1 —, 2 inc, 3 kfy |
| Status publicus | |
| Officialis | |
| Privata | India |
| Litterae | Litterae Kumauni |
| Scriptura | Scriptura Devanagari |
| Procuratio | |
.png)  | |
Lingua Kumauni (Kumāṁūnī), e serie linguarum Pahari, ad Linguas Indicas divisionis Indoiranicae et familiae Indoeuropaeae pertinet. In India adhibetur in regione Kumāūn (civitatis Uttarakhand) olim dignitatem principatus reclamante, capite Champawat; ibi planitiei incolae praecipue dialectis linguae Hindi utuntur, montani potius Thibetana et linguis Almora familiae Tibeto-Birmanae (scilicet Darmiya, Chaudangsi, Byangsi olimque Rangkas), sed qui in vallibus et sub monte habitant Kumauni loquuntur.
Inter dialectos linguae Kumauni recognoscuntur centralis, in pagis Almora et Nainital septentrionali adhibita; boreorientalis, in pago Pithoragarh; meridiorientalis, in Nainital meridionali; occidentalis ad partes occidentales pagorum Almora et Nainital. Sed multi dialecti locales enumerantur, inter quas Askoti, Bhabari, Chaugarkhiya, Danpuriya, Gangola, Johari, Khasparjiya, Kumaiyya (urbis ipsius Champawat), Pachai, Pascimi, Phaldakotiya, Rau-Chaubhaisi, Sirali, Soriyali.
Lingua Kumauni in inscriptionibus regalibus reperitur a saeculo XVII et in carminibus saeculis XVIII-XX scriptis; praecipue autem in traditionibus carminibusque popularibus romancicis, epicis necnon religiosis celebratur.
Notae
[recensere | fontem recensere]- ↑ Ethnologue (anno 1998)
Nexus externi
[recensere | fontem recensere]- De hac lingua apud Ethnologue
- Situs locutorum apud Linguist List
- De lingua et litteris
- Hic potes situm linguae reperire
- Lingua in interrete discenda
- Lexicon interretiale Kumauni
- Carmina Kumauni
Bibliographia
[recensere | fontem recensere]- "Kumauni" in Andrew Dalby, Dictionary of Languages (ed. recensa: Londinii: Bloomsbury, 2004. ISBN 0747576831) p. 336
- Devidatta Sarma, Linguistic geography of Kumaun Himalayas: a descriptive areal distribution of Kumauni language. Mittal Publications, 1994. ISBN 81-7099-529-9 (Studies in Tibeto-Himalayan languages')
- Devidatta Sarma, The formation of the Kumauni language. Pars 1: Phonology and Morphophonemics; pars 2: Morphology and Syntax. New Delhi: Bahri Publications, 1985-1987. ISBN 81-7034-005-5 (Series in Indian languages and linguistics, 13, 15)