Lucius Iunius Caesennius Paetus
Lucius Iunius Caesennius Paetus (nescimus quando natus sit; mortuus anno 73) fuit senator Romanus. Primis mensibus anni 61 consul ordinarius factus, eodem anno a Nerone imperatore legatus Augusti pro praetore in Cappadociam missus est. Cladibus contra Parthos acceptis,[1] anno 63 Romam revertit. Anno 70 Vespasianus imperator familiarem suum legatum Syriae creavit[2]. Anno 72 regem Antiochum IV Commagenes societatis adversus Romanos cum Parthorum rege Vologese parandae accusavit ac, Vespasiano adnuente, regnum eius invadit et provinciae suae adiunxit[3]. Initio anni 73 mortuus est. Lucius Iunius Caesennius Paetus fuit filius alter, qui anno 79 consulatum suffectum administravit, alter Lucius Caesennius Sospes, consul suffectus anni 114.[4]
Notae
[recensere | fontem recensere]- ↑ Tacitus, Annales, XV 6-8; 10-17; 20-25.
- ↑ Flavius Iosephus, BI VII.59-60
- ↑ Flavius Iosephus, Bellum Iudaicum, VII 219-240.
- ↑ Der Neue Pauly (Stutgardiae 1999), 12(2): col. 927.
| Antecessores: Nero Claudius Caesar Augustus IV et Cossus Cornelius Lentulus |
Consul 61 cum Publio Petronio Turpiliano |
Successores: Publius Marius et Lucius Afinius Gallus |