Ludovicus Ódor
.jpg)
Ludovicus Ódor, Hungarice Ódor Lajos, Slovacice L'udovít Ódor (Veľké Kosihy in oppido prope Comaram natus die 2 Iulii 1976) est oeconomus Slovaciae.
E populo Hungaro ortus, apud gymnasium Ioannis Selye Comarense educatus est. Alumnus est universitatis Comenianae Bratislavensis ubi mathematicae mercaturaeque studuit. Apud Argentariam commercialem Cechicam(en) breviter laboravit, postea apud Argentariam nationalem Slovacicam(en), cui director vicarius quinque annos ab anno 2018 operam dedit. Suadente praeside Susanna Čaputová die 15 Maii 2023 usque in 25 Octobris 2023 primus minister regiminis sine factionibus Slovaciae meruit, insuper tres menses a die 19 Iulii 2023 minister a rebus internis.
Scripta
[recensere | fontem recensere]- Miroslav Beblavý, David Cobham, L'udovít Ódor, edd., The Euro Area and the Financial Crisis. Novi Eboraci: Cambridge University Press, 2011. ISBN 978-1-107-01474-9
Bibliographia
[recensere | fontem recensere]- Radovan Stoklasa, Jason Hovet, "Slovakian president picks technocrat government after prime minister quits" (7 Maii 2023) apud Reuters
Nexus externi
[recensere | fontem recensere]- Jozef Tvardzík, "Who is Ľudovít Ódor, the new Slovak Prime Minister?" (10 Maii 2023) apud Slovak Spectator
 | |
|
Vladimirus Mečiar 1993 • Iosephus Moravčík 1994 • Vladimirus Mečiar 1994 • Nicolaus Dzurinda 1998 • Robertus Fico 2006 • Iveta Radičová 2010 • Robertus Fico 2012 • Petrus Pellegrini 2018 • Inguarus Matovič 2020 • Eduardus Heger 2021 • Ludovicus Ódor 2023 • Robertus Fico 2023 | |