Machon
Machon seu Macho (Graece Μάχων), origine aut Sicyonius aut Corinthius, fuit poëta Graecus. Alexandriae medio saeculo III a.C.n. floruit: ibi Aristophanem Byzantium "de partibus comoediae" docuisse dicitur.[1] Auctor fuit ludorum scaenicorum fere trium in serie comoediae novae Atheniensis enumeratorum (sed Alexandriae, non Athenis, doctorum), quorum fragmenta exigua supersunt. Innotuit praecipue tamquam auctor carminis versibus iambicis compositi cui titulus est Chriae (Χρείαι, "Anecdota"), historias breves comprehendentis de vita hetaerarum et parasitorum, i.e. meretricum et adulatorum Atheniensium. Ex hoc opere versus 462 apud Athenaei Deipnosophistas servantur.
Opera
[recensere | fontem recensere]Notae
[recensere | fontem recensere]- ↑ Athenaeus, Deipnosophistae 241f, 664a
- ↑ Athenaeus, Deipnosophistae 664b
- ↑ Philodemus, De poematibus
- ↑ Athenaeus, Deipnosophistae 345f
Bibliographia
[recensere | fontem recensere]- A. S. F. Gow, Machon: The Fragments. Cantabrigiae: Cambridge University Press, 1965. ISBN 0-521-05631-4; ISBN 0-521-60929-1; exemplar mutuabile
- Leslie Kurke, "Gender, politics and subversion in the Chreiai of Machon" in Proceedings of the Cambridge Philological Society no. 48 (2002) pp. 20-65 JSTOR
- Laura McClure, Courtesans at Table. Gender and Literary Culture in Athenaeus. Novi Eboraci: Routledge, 2003
- "Machon" in Gulielmus Smith (1844–1849). Dictionary of Greek and Roman Biography and Mythology [📖]. Londinii: Taylor & Walton vol. 2 p. 885
Nexus externi
[recensere | fontem recensere]- Exemplar mutuabile textus Graeci versionisque Anglicae (vide pp. 118-145)