Maria Belošević

Maria, vulgo Marija Belošević (nata die 18 Iulii 1965 Agrani) Croatica diurnaria et Esperanticorum fautrix est.

Vita

Esperantista facta est iam in schola elementari. Paedagoga diplomate ornata cursus linguae Esperanticae inde a circiter 30 annos habet.

Universalis Societatis Esperanticae (UEA) et Associationis Esperanticum docentium internationalis (ILEI) et Unionis Internationalis Esperantistarum Catholicorum (IKUE) membrum facta est. Olim in consiliis Associationis iuventutis Esperanticae internationalis sedebat et pro rebus magistrorum apud UEA annis inter 1993 et 1998 deprecabatur. Apud UEA annis inter 2001 et 2007 diversis officialibus muneribus fungebatur. Ex anno 1991 pugnabat, ut linguae Esperanticae examina linguistica officialiter approbata in quoquo Congressu universali UEA fierent.

Cooperationes iniit programmati interculturali (Interkulturo) quoque neque de auxilio dato in edendis periodicis praetitulatis "Juna Amiko" et Monato taceatur. Activa est in variis sodalitatibus regionalibus Esperanticis - sed haud solum: etiam de rebus provehendis Regionis Europaeae Alpium Marisque Hadriatici operam navat. Politice ad Croaticam societatem meliorem reddendam annis inter 2003 et 2007 agebat. De explorandis Burgenlandiae litteris Croaticis quoque operam dabat.

Anno 2003 praeses vicariae Esperantistarum catholicorum facta est indeque multos congressus prudens integraque moderabatur. Ex anno 2019, antecessore vita defuncto, praeses IKUE est ipsa. Inde a mense Augusto 2023 emissiones Esperanticas Stationis radiophonicae Vaticanae curat, Carolum Sarandrea consecuta.

Opera selecta

• una cum Đure Vidmarović (ed.): Pjesništvo Gradišćanskih Hrvata - Poemaro de burglandaj Kroatoj, carminum Croaticorum florilegium cum versione Esperantica, Agrani 2006

Nexus externi

• Belošević opusculum de gentibus Croaticis in orbe terrarum dispersis praesentans (Vindobonae, anno 2008)
• vita in paginis IKUE (cum photographia)
• "Esperanto, língua universal contra os conflitos" - apud: vaticannews.va, 15 Augusti 2023 (de congressu universali Esperantico Augustae Taurinorum habito)