Matrimonium

Anulus nuptialis Byzantinus, saeculo septimo.

Matrimonium est coniugium sociale vel conubium secundum leges viri cum femina qui ligantur pacto legitimo post iustas nuptias. At hodie, multae civitates matrimonium secundum leges etiam inter duos viros vel duas mulieres permittunt.

De vocabulis

Coniuges: Carolus I, futurus rex Portugalliae, maritus, et Amalia Aurelianensis, regina, uxor.

Nostra lingua classica dicimus virum uxorem ducere, feminam viro nubere, atque ambos matrimonio vel nuptiis iungi. Vocabulum communis generis est coniunx, sive coniux, quod Forcellini sic definit: "lecti maritalis socius, maritus aut uxor; saepius tamen haec, quam ille, praesertim apud oratores."

Matrimonium in religione

In ecclesiis Christianis

Ecclesia Catholica Romana

In Ecclesia Catholica Romana, matrimonium est sacramentum. Canon 1055 Codicis Iuris Canonici sic legitur: "Matrimoniale foedus, quo vir et mulier inter se totius vitae consortium constituunt, indole sua naturali ad bonum coniugum atque ad prolis generationem et educationem ordinatum, a Christo Domino ad sacramenti dignitatem inter baptizatos evectum est. Quare inter baptizatos nequit matrimonialis contractus validus consistere, quin sit eo ipso sacramentum." Praeterea matrimonium numquam solvetur, quia "non permissum esse homini separare, quod Deus coniunxerit" (Matthaeus 19:6; Marcus 10:9).

Nexus interni

• Anulus nuptialis
• Caelebs
• Coniugium
• Consors
• Divortium
• Epithalamion
• Hymen
• Iter matrimoniale
• Maritus
• Matrimonium aequum
• Matrimonium civile
• Matrimonium coacticium
• Matrimonium morganaticum
• Monogamia
• Scriblita nuptialis
• Senex amans
• Sponsalia
• Unio civilis
• Unio libera
• Vena amoris

Bibliographia

• Martínez Vázquez de Castro, Luis. 2008. El concepto de matrimonio en el Código Civil. Aranzadi. ISBN 978-84-470-2929-7.
• San Román, Teresa, et Aurora González Echevarría. 1994. Las relaciones de parentesco. Barcinonae: Universitat Autònoma de Barcelona, Bellaterra.
• Salinas Araneda, Carlos. 2009. El matrimonio religioso ante el derecho chileno. Pontificia Universidad Católica de Valparaíso.
• Viladrich, Pedro-Juan. 2001. El modelo antropológico del matrimonio. Documentos del Instituto de Ciencias para la Familia, vol. 31. Ediciones Rialp. ISBN 9788432133756. Google Books.

Nexus externi

• Informatio de sacramento matrimonii in Ecclesia Catholica per Catechismus Catholicae Ecclesiae.
• Papa Benedictus XVI, "Difficultatibus matrimonium corroborari potest."