Miloslaus Šváček
Miloslaus vulgo Miloslav Šváček (natus anno 1941) est esperantista Bohemicus et regens sectionis catholicae Bohemicorum Esperantistarum (ĈEA). Filius agricolae, qui invitus campos suos tradere debuit, et ex familia catholica oriundus prohibitus est a studiis. Scholis vespertinis tamen cursos ad architecturam spectantes facere licuit, propterea quod Miloslai Šváček sapientia et diligentia notae factae erant. Linguam Esperanticam libro quodam se docuit, quem forte domi suae in conclavi sub tegmento invenerat. Iste vir tempore communismi in Tzechoslovacia saevientis, propterea quod conventus catholicos castrenses in tentoriis ad bohemicum vicum Herbortice (in pago Ústí nad Orlicí) praeparaverat, persecutionem est passus.
Prior praeses[1] Catholicorum Esperantistarum IKUE (=Internacia Katolika Unuiĝo Katolika) est etiam moderator periodici catholici cuiusdam editi in Bohemia, cuius titulus "Dio benu" (i.e. "Deus benedicat"). Interdum conventus varios esperantistarum seu catholicos seu oecumenicos organizabat: e.g. anno 2006 amplum catholicum concilium esperantistarum ad Velehrad, illustrem locum peregrinationis. Anno 2010 praefuit congressui iubilato Lutetiae Parisiorum apud basilicam Sacratissimi Cordis DNIC in Monte Martyrum celebrando.[2]
Anno 2008 accepit praemium nomine Comenii nuncupatum e manibus magistratuum urbis Přerov ob pervulgationem commendativam et linguae internationalis et oppidi.
Honores
[recensere | fontem recensere]Anno 2009 episcopi Bohemorum eum clipeo ornaverunt pro indefesso labore in catholicis rebus.[3]
Nexus externi
[recensere | fontem recensere]- Šváček tamquam reus in dica politica - apud memoryofnations.eu (cum vita, colloquiis percontativis et photographematibus)
- Societas esperantica ad Přerov: [1]
