Naria
![](http://upload.wikimedia.org/wikipedia/commons/thumb/c/ca/Naissaar_aerial.jpg/220px-Naissaar_aerial.jpg)
Naria[1] (Estonice Naissar) vel Terra Feminarum[2] est insula sinus Finnici Estonica, prope ad Castra Danorum sita. Area insulae 18,6 chm2 est (Estoniae insula sexta a maxima), incolas 35 nunc habet. Silva insulam operit et a Medio aevo silva Nariae ad aedificandum et naves construendum idonea nota est.
![](http://upload.wikimedia.org/wikipedia/commons/thumb/0/0f/%D0%9A%D0%BB%D0%B5%D0%B2%D0%B5%D1%80_%D0%94%D0%B5%D1%80%D0%B5%D0%B2%D0%BD%D1%8F_%D0%BD%D0%B0_%D0%BE%D1%81%D1%82%D1%80%D0%BE%D0%B2%D0%B5_%D0%9D%D0%B0%D1%80%D0%B3%D0%B5%D0%BD.jpeg/220px-%D0%9A%D0%BB%D0%B5%D0%B2%D0%B5%D1%80_%D0%94%D0%B5%D1%80%D0%B5%D0%B2%D0%BD%D1%8F_%D0%BD%D0%B0_%D0%BE%D1%81%D1%82%D1%80%D0%BE%D0%B2%D0%B5_%D0%9D%D0%B0%D1%80%D0%B3%D0%B5%D0%BD.jpeg)
De nomine[recensere | fontem recensere]
Secundum fabulam Estonicam insula e mari olim emersa est cum femina incola; unde nomen Estonicum Naissaar "insulam muliebrem" significat. In Gestis Hammaburgensis ecclesiae pontificum Adami Bremensis quater[3] quaedam Terra feminarum memoratur, quam Amazones boreales incolebant, quae Anundum filium Emundi regis Sueciae necaverunt; prope ad insulam Estlandiam Magnam terra ab Adamo memorata sita erat. Fama ad Adamo referta aliquo modo cum insula Estonica eodem nomine ligata esse videtur.
![](http://upload.wikimedia.org/wikipedia/commons/thumb/3/36/Lehtmetsa_r%C3%A4ndrahn_Naissaarel.jpg/220px-Lehtmetsa_r%C3%A4ndrahn_Naissaarel.jpg)
Historia[recensere | fontem recensere]
Insula Danica et Suecica et Russica erat; Suedorum colonia usque ad annum 1940 Nariam incolebat. Pharus anno 1788 primo constructus est, postea munimenta varia Nariae aedificabantur. A die 17 Decembrus anni 1917 usque ad 26 Februarii 1918 Res publica Sovietica Nariae(ru) in insula exsistebat. Ab anno 1918 Estonica.
Notae[recensere | fontem recensere]
- ↑ Lucae Aurigarii Speculum nauticum super nauigatione maris occidentalis, Lugduni Batavorum 1586, p. 24.
- ↑ Hoc nomen Estonicum significat, vide infra de Adamo Bremensi.
- ↑ III 15, IV 14, 17, 19.
Nexus externi[recensere | fontem recensere]
![]() |
Situs geographici et historici: Locus: 59°34′0″N 24°31′0″E • OpenStreetMap • GeoNames |