Patricius (comes Saresberiensis)
Patricius (natus anno circiter 1122; interfectus die fere 7 Aprilis 1168), filius Gualteri de Sarisberia uxorisque eius Sibyllae de Cadurcia, avunculus Guillelmi Marescalli, creatus est ante annum 1147 ab imperatrice Matilda comes Wiltoniae. Communiter comes Saresberiensis appellatus est e nomine Sarisberiae urbis principalis huius comitatus.
Bis uxores duxit, quarum primam Matildam e stirpe hodie ignoto; secundam Elam (si nomen recte datur), comitissam Pontivorum, e qua genuit:
- Guillelmus
- Patricius
- Philippus
- Gualterus
Die circiter 7 Aprilis 1168 Patricius, pro rege Anglico Henrico II militante, in insidiis iuxta Leziniacum Pictavense a Guidone de Leziniaco interfectus est; eisdem insidiis filius sororis Guillelmus captus est sed mox iussu reginae Alienorae redemptus.[1]
Fontes
[recensere | fontem recensere]- L'histoire de Guillaume le Maréchal vv. 1-1904
Notae
[recensere | fontem recensere]- ↑ E.g. Histoire de Guillaume le Maréchal 1559-1868
Bibliographia
[recensere | fontem recensere]- Emilie Amt, "Salisbury, Patrick of, first earl of Salisbury (d. 1168)" in Oxford Dictionary of National Biography edd. H. C. G. Matthew, Brian Harrison (Oxonii: Oxford University Press, 2004) Situs venalis
- David Crouch, William Marshal: Knighthood, War and Chivalry, 1147–1219. 2a ed. Londinii: Longman, 2002
Nexus externi
[recensere | fontem recensere]- "Walter FitzEdward de Salisbury et filii" e Medieval Lands (situs a Carolo Cawley elaboratus apud FMG)