Peregrinatio Ludovici VII Cantuariensis

Peregrinatio Ludovici VII regis Francorum mense Augusto 1179 facta est. "Humilis ac devotus" Cantuariam petivit sepulchrumque Thomae a Becket ut pro salutem filii sui Philippi aegrotantis oraret. Cum Ludovico ibant Hugo de Puteaco cancellarius, Philippus comes Flandrensis, Balduinus II comes Ghisnensis, Henricus postea dux Lovaniensis, et Guillelmus comes Essexiae. Hic fortasse legatus Henrici II regis Anglici adveniebat; fuerat etiam contubernius Philippi Flandrensis.

Dubris die 22 Augusti huius anni Ludovicus ab Henrico cum gaudio et largitate receptus est; inde reges ambo Cantuariam iter fecerunt. Ludovicus "dedit ... ob amorem et honorem Dei et beati Thomae monachis in Cantuariensi ecclesia iugiter Deo famulantibus centum modios vini singulis annis ... accipiendos" "ob martyris reverentiam et in usus Cantuariensis collegii convertendos". Peregrinatione facta Lutetiam revenit sed dum Fanum Sancti Dionysii petit ab apoplexi ictus est. Coronamentum igitur Philippi principis, ad sanitatem revocati, propter patris morbum subito celebratum est, die 1 Novembris 1179.

Fontes

• Guillelmus Brito, Philippis 1.275-336
• Robertus de Torigneio, Chronicon pp. 283-284 Howlett
• Gesta Regis Henrici Secundi et Gesta Regis Ricardi ("Benedictus Petroburgensis") vol. 1 pp. 241-242 Stubbs
• Rogerius de Hoveden, Chronica vol. 2 pp. 192-193 Stubbs
• Gervasius Cantuariensis, Chronica anno 1179
• Radulphus de Diceto, Ymagines historiarum anno 1179

Bibliographia

• Jim Bradbury, Philip Augustus: King of France 1180-1223 (Londinii: Longman, 1998. ISBN 0582060583) pp. 38-41
• Alexander Cartellieri, Philipp II. August, König von Frankreich (Lipsiae: Dyksche Buchhandlung, 1899) vol. 1 pp. 33-36
• Henri-François Delaborde, ed., Œuvres de Rigord et de Guillaume le Breton, historiens de Philippe-Auguste (Lutetiae, 1882-1885) vol. 1 p. 12 nota 1

De hac re nexus intervici usque adhuc absunt. Adde, si reppereris.