Porta:Ars

Porta artis

Introductio

Ars (artis, f.) est disciplina vel operandi modus, partim translaticius partimque novatus, qui nihil est nisi facultas longam seriem actionum specialium exsequendi ut finis quidam attingantur. Sensu stricto, ars contracta est in quadam habilitate, sed, latiore sensu, comprehendit omnes vias et modos res bene agendi discendos.

Artifex est qui aliquam artem exercet. Artifices magna superbia suis operibus gloriantur; et saepe censentur per suum magnum opus. Lucretius per suum De Rerum Natura, Michael Angelus Bonarotius per Davidis statuam, Gulielmus Shakesperius per talia opera sicut Romaeus et Iulia et Amletus, Princeps Daniae, Thomas Edison per globulum electricum, Gulielmus Marconi per radiophonum, etc.

Olim omnes artes in artes liberales et artes illiberales divisae sunt. Artes sic liberales appellabantur quae censebantur hominibus liberis discendi aptae. Per aetates autem, notio de eo quod hominibus liberis aptum est aliquanto mutavit; et, ut exempla infra data monstrant, multae novae artes hominibus liberis dignae tandem creatae sunt, quae inter artes liberales traditionales non censetur. Illae bellae artes specialiter ad operis artistici pulchritudinem cultivantur. Artes ingeniariae, ad contrarium, sine fine aesthetico, ortae sunt specialiter ad propositum oeconomicum scientificumque.

[recensere]

Commentatio selecta

Vincentius Guilelmus De Gogh (30 Martii 1853–27 Iulii 1890) fuit Nederlandicus generis postimpressionistici pictor. Opera eius numquam inter vitam delecta sunt, sed post mortem inclaruit. Hodie umquam maximus artifex esse dicitur.

Natus est Vincentius van Gogh die 30 Martii anno 1853 apud vicum Zundert, in Nederlandia, pastoris Protestantis filius. Is inde a puero indolem prae se tulit morosiorem atque animum fortem; unde artifex exstitit singulari praeditus inventionis vi, sed perturbatae mentis. Adolescens operam navavit in pinacopolio. Postea, fervore religioso correptus, se theologiae studio dedit; mox divini verbi minister receptus, animarum curam inter carbonum fossores in pago Petit Wasmes, in Belgica exercuit. Vincentius cum fossoribus cui curavit convixit atque pauperiem fossorum participavit, sed ecclesica capita Vincentii ineptiam religiosam dignationem pervertere putavit. Vulgares homines et scaenae Vincentium movere inceperunt, et hic imagines illorum pinxit. Tandem frater Theodor Vincentium pingere studere introduxit.

Vincentius anno 1880 apud Koninklijke Academie van Beeldende Kunsten ("Regalis Schola Artis") studuit ubi anatomiam et formam et perspectum didicit. Vincentio ad Etten moto, cum parentibus vixit. Cum Kee, consobrina vidua, coniungere rogavit, sed negatus est. Anno 1882 cum Anton Mauve studuit, sed seposuerunt cum Anton Vincentium cum concubina Sien convivere invenisset. Vincentius cum Sien unum annum remansit.

[recensere]