Primas
Primas (-atis m.) in quibusdam sectis Christianis est titulus quibusdam archiepiscopis adiunctus.
Hoc tempore Primas est titulus tantummodo honorificus Archiepiscopi titularis Dioecesis metropolitanae. Nam autumat canon 438 Codici Iuris Canonici Ecclesiae Romanae:
Patriarchae et Primatis titulus, praeter praerogativam honoris, nullam in Ecclesia latina secum fert regiminis potestatem, nisi de aliquibus ex privilegio apostolico aut probata consuetudine aliud constet.
Tamen temporibus antiquis primates saepe potentiam habebant. Exempli gratia Primas Poloniae pirmus senator Rei Publicae Poloniae erat et ab anno 1572 tempore interregni interregis munus tulit. Exempli gratia, papa etiam primas Italiae est.
Antiquae sedes primatiales aliae:
- Bohemia, archidioecesis Pragensis
- Francia, Archidioecesis Lugdunensis
- Germania, Archidioecesis Salisburgensis
- Hibernia, Dioecesis Arcmacensis
- Hispania, Archidioecesis Toletana
- Hungaria, Archidioecesis Strigoniensis
- Italia, Papa, Archidioecesis Pisana, Archidioecesis Panormitana et Archidioecesis Salernitana,
- Polonia, Archidioecesis Gnesnensis,
Ecclesia Anglicana
[recensere | fontem recensere]
In usu Anglicano vocabulum primas significat episcopum praesidem cuiuslibet ex ecclesiis aut provinciis Communioni Anglicanae pertinentibus. In aliis provincias, hoc munus pertinet sedibus propriis, in aliis datum est episcopo (aut episcopae in eis provinciis ubi mulieres ad gradum episcopatus ordinantur) sive ex senioritate sive electo ab aliis. Exempli gratia:
Primates ex officio:
- Archiepiscopus Cantuariensis, primas totius Angliae
- Archiepiscopus Arcamachenis, primas totius Hiberniae
- Archiepiscopus Urbis Promontarii, primas Provinciae Africae Australis
Primates ex senioritate aut electi:
- Reverendissimus Bazza Morgan, Episcopus Landavensis et Archiepiscopus Cambrensis
- Reverendissimus Gregorius Venables, Episcopus Argentinae Borealis et Archiepiscopus Coni Australis