Raimundus Emeterius Betances

Raimundus Emeterius Betances y Alacán (Hispanice Ramón Emeterio Betances y Alacán; natus die 8 Aprilis 1827, mortuus die 16 Septembris 1898) fuit nationalista Portudivitensis. Primus auctor fuit rerum novarum Laresensium (Grito de Lares) et pater motus pro libertate Portus Divitis habetur. Quia res novae a Betances instigatae sententias nationalisticas in populo moverunt, etiam "pater patriae" (El Padre de la Patria) habetur, et propter opera benevolentiae "pater pauperum" (El Padre de los Pobres) appellatur.

Betances etiam fuit medicus, chirurgus, atque unus ex primis fautoribus hygiinae socialis. Ante labores politicas officinam chirurgicam et ophthalmologicam instituerat. Etiam fuit fautor abolitionis servitutis, homo legationum peritus, curator salutis publicae, poëta, ac scriptor fabularum. Legatus Cubae et rei publicae Dominicanae Lutetiae operatus est. Multum a philosophia latomismi, cuius assectator erat, movebatur.

Bibliographia

Fontes primarii

Ojeda Reyes, Félix, El Desterrado de París: Biografía del Dr. Ramón Emeterio Betances (1827–1898), Ediciones Puerto, in urbe Sancti Ioannis de Portu Divite, 2001. (ISBN 978-0-942347-47-0)
Thomas, Hugh. Cuba: The pursuit for freedom. Da Capo Press Inc. Novi Eboraci, 1971. (ISBN 0-306-80827-7)

Fontes secundarii

Fasciculi MP3 ex "La Voz del Centro", collectione podcast, auctore Angelo Collado Schwarz (Anglice)

Ramón Emeterio Betances: Padre de la Patria, Médico de los Pobres, Poeta, Diplomático de Puerto Rico y Cuba en Francia., cum Felice Ojeda Reyes, biographo Betances
Dr. Ramón Emeterio Betances: el médico, cum Eduardo Rodríguez Vázquez
Dr. Ramón Emeterio Betances: el literario, cum Raimundo Ludovico Acevedo
Betances, El Grito y St. Thomas, cum Francisco Moscoso

Nexus externi

Vicimedia Communia plura habent quae ad Raimundum Emeterium Betances spectant.