Rainerius Montisferrati (Caesar)

Rainerius Montisferrati (Caesar)

Res apud Vicidata repertae:

Nativitas: 1162; Pedemontium
Obitus: 1183; Constantinopolis mediaevalis
Patria: Imperium Byzantinum

Familia

Genitores: Guillelmus V; Judith of Babenberg
Coniunx: Maria Comnena
Familia: Aleramici

Historia Andronici Comneni: infra Maria Comnena maritusque Rainerius Montisferrati trucidantur; supra ad sinistram partem Alexii (Mariae fratris) cadaver in mare iacitur; ad dextram partem Andronicus ipse a populo necatur. Ioannes Boccacius, De casibus virorum illustrium (Bibliotheca Nationalis Francica MS Français 226 f. 257r)

Rainerius Montisferrati (natus 1162; mortuus 1182 seu 1183) fuit nobilis Italianus (filius Guillelmi V marchionis Montisferrati) qui in matrimonio familiae imperiali Byzantinae iunctus est. Duxit enim anno 1180 uxorem Mariam Comnenam, imperatoris Manuelis I filiam quam ex uxore prima Bertha de Sulzbach genuit, et ob hanc rem nomine novo "Ioannes" tituloque "Caesar" (Graece Ἰωάννης ὁ Καίσαρ) appellatus est. De matrimonio Robertus de Torigneio in Chronicis suis sub anno 1180 refert:

[Manuel] fecit coronari Rainerium, filium marchisi Montis Ferrati, cum filia sua quam ei dederat; et dedit ei honorem Thesolonicensium, qui est maxima potestas regni sui post civitatem Constantinopolitanam.

Maria iussu Andronici imperatoris anno 1182 ab eunucho Pterygionita pharmacis interfecta, Rainerius etiam eodem fere tempore necatum esse censetur.

Nexus externi

• "Ranieri di Monferrato" e Medieval Lands (situs a Carolo Cawley elaboratus apud FMG)