Ranavalona III

Ranavalona III (nata die 22 Novembris 1861, mortua die 23 Maii 1917) fuit ultima regina Madagascariae. A die 30 Iulii 1883 ad diem 28 Februarii 1897 regnavit, quo tempore continue sed tandem frustra colonicis Franciae consiliis resistere conata est. Ranavalona puella ex pluribus patriciis (Andriana) electa est ut Ranavalonae II reginae succederet. Sicut ambae reginae priores, Ranavalona rationibus politicis in matrimonium cum Rainilaiarivony, plebeio (Hova) nobili, qui primus minister factus regni res cotidianas et externas curavit. Ranavalona colonizationem Francicam arcere tentabat commercio cum Civitatibus Foederatis et Britannia confirmando. Franci autem portus et Tananarivum urbem capitalem aggressi, denique anno 1895 palatium regium ceperunt, quod principatum libertatemque huius regni finivit.

Novum regimen colonicum Francicum cito Rainilaiarivony Algeriam pepulit, et Ranavalonam et aulam eius primum solo nomine regnantem manere sivit, sed rebellione menalamba erupta, clandestinis consiliis adversus Francos inventis in lucem prolatis, reginam quoque in insulam Reunionem anno 1897 expulsit. Rainilaiarivony eodem anno mortuo, Ranavalona cum parte familiae mox in villam Algeriensem mota est. Regina, familia, servique comitantes salarium accipiebant et commode vivebant, aliquando itinera Lutetiam facientes, sed numquam in Madagascariam redire siti sunt. Ranavalona anno 1917, annum quinque et quingenta agens, in villa Algeriensi, embolismo mortua est. Reliquiae eius Algeriae sepultae sunt sed post unum et viginti annos effosae sunt et portatae in Madagascariam, ubi in sepulcro Rasoherinae reginae in hortis Rovae, palatii urbis Tananarivi, collocatae sunt.

Bibliographia

Andrianjafitrimo, Lantosoa (2007). La femme malgache en Imerina au début du XXIe siècle. Paris: Karthala Editions. ISBN 9782845864764
Barrier, Marie-France (1996). Ranavalona, dernière reine de Madagascar. Paris: Balland. ISBN 978-2-7158-1094-5
Basset, Charles (1903). Madagascar et l'oeuvre du Général Galliéni. Paris: A. Rousseau
Bergougniou, Jean-Michel; Clignet, Rémi; David, Philippe (2001). "Villages noirs" et autres visiteurs africains et malgaches en France et en Europe: 1870–1940. Paris: Karthala Editions. ISBN 978-2-84586-200-5
"Crownless Monarchs". London: Dodd Mead & Co.. 1908. p. 118
Campbell, Gwyn (1991). "The Menalamba revolt and brigandry in imperial Madagascar, 1820–1897". International Journal of African Historical Studies 24 (2): 259–291
Cousins, William Edward (1895). Madagascar of to-day. The Religious Tract Society. p. 73
Curtin, Philip D. (1998). Disease and empire: the health of European troops in the conquest of Africa. Cambridge, MA: Cambridge University Press. ISBN 978-0-521-59835-4
Massachusetts Reformatory (October 1, 1904). "Kings in Exile". Our Paper 20 (40): 639
Ministère de la marine et des colonies (1884). Revue maritime et coloniale, Volume 81. Paris: Gouvernement de la France
Nativel, Didier (2005). Maisons royales, demeures des grands à Madagascar. Antananarivo, Madagascar: Karthala Éditions. ISBN 978-2-84586-539-6
Priestley, Herbert Ingram (1967) [1938]. France overseas: a study of modern imperialism. p. 305. ISBN 978-0-7146-1024-5
Randrianja, Solofo (2001). Société et luttes anticoloniales à Madagascar: de 1896 à 1946. Paris: Karthala Editions. ISBN 978-2-84586-136-7
Roland, Oliver; Fage, John; Sanderson, G.N. (1985). The Cambridge history of Africa. 6. Cambridge, UK: Cambridge University Press. ISBN 978-0-521-22803-9
Saillens, Pasteur R. (1906). "Impressions of Algeria". London: Funk & Wagnalls. p. 449
Stratton, Arthur (1964). The Great Red Island. Berlin: Scribner
Stuart Robson, Isabel (1896). "The Childhood of a Queen IV: The Queen of Madagascar". London: S.W. Partridge & Co.
Titcomb, Mary (November 1896). "Madagascar and the Malagasy"
Trotter Matthews, Thomas (1904). Thirty years in Madagascar. London: A. C. Armstrong

Nexus externi

Expositio donorum Ranavalonae in museo Smithsonian