Regio Murmanica

Regio Murmanica^[1] seu Murmanensis^[2] (Russice Мурманская область, tr. Murmanskaja oblast' ) est subiectum Foederationis Russicae, anno 1938 creatum, et ab anno 2000 in Districtum (Circulum) Foederalem Septentrio-Occidentalem Russicum inclusum. In paeninsula Kolaensi (cum paeninsula Piscatorum adiacente) sita, cum Carelia in meridie, Finnia in occidente et Norvegia in septentrio-occidente contermina, aream 144 902 km² et circa 762 milia incolarum (anno 2016) habet.

Loci habitati

Metropolis regionis et urbs eius maxima est Romana, aliae urbes Kandalaxia, Kola, Aurorae Polares (Poliarnye zori), Nichelium sunt. Varsiga olim vicus maximus paeninsulae Kolaensis erat; Ombaia est vicus antiquus eiusdem litoris.

Chibinenses montes et montes Tundrae Lovosericae in regione media siti sunt.

Imandra et Lovosero lacus regionis maximi sunt.

Insulae Kildinum, Ternae Insulae, Sausnavitsa et aliae ad regionem pertinent.

Foramen Kolaense altius in regione prope Nichelium coloniam urbanam situm est.

↑ 'Russia, Regio Murmanica, in vicinitate stationis Biologicae prope opp. Poljarnyi, in aqua lacus parvi' [1]; 'Generis Hieracium L. species nova e regione Murmanica ' [2]; 'De hepaticis curiosis in montibus Lovozerensibus (regio Murmanica) inventis' [3]^{[nexus deficit]}
↑ 'De hepaticis montium Lovozericorum (regio Murmanensis) notula' [4]^{[nexus deficit]}, cf. binomina Amphoriscus murmanensis, Dendrogaster murmanensis, Sycettusa murmanensis, Trypanosoma murmanensis etc.