Ri Yongho

Ri Yongho

Res apud Vicidata repertae:

Ri Yongho: imago

Nativitas: 10 Iulii 1956; Pyeongyang
Obitus: ; Corea Meridiana
Patria: Respublica Popularis Democratica Coreana

Ri Yongho seu litteris Coreanis 리용호 (Pyeongyangi natus die 10 Iulii 1956) est legatus et politicus Coreae Septentrionalis.

Filius est Ri Myong-je qui, familiae regentis Gim cliens, tam apud sedem nuntiorum centralem Coreanam editor quam iuxta principem Gim Jeong-il nomenclator operam dedit. Ri Yongho alumnus est scholae superioris Namsan et universitatis studiorum externorum Pyeongyangensis ubi linguae Anglicae studuit. Apud ministerium rerum externarum ab anno 1978 laborat sed inter annos 1979 et 1988 ad legationes Holmiensem et Harareensem, ab anno 2003 usque in 2007 ad legationem Londiniensem missus est. Minister vicarius a rebus externis a die 23 Septembris 2010, minister principalis a rebus externis a die 9 Maii 2016 factus est.

Bibliographia

A sinistra parte Michael Pompeo, Ri Yongho, Gang Gyeong-hwa ministra a rebus externis Coreae Meridianae, Iulia Bishop ministra a rebus externis Australiana (subter ad dextram), apud ASEAN Singapurae die 4 Augusti 2018 congressi

• Tony Munroe, Ju-min Park, "New North Korean foreign minister was its disarmament negotiator" (17 Maii 2017) apud Reuters
• "Ri Yong who? Meet North Korea's foreign minister Ri Yong Ho who called Trump 'Mr Evil President'" in Straits Times (24 Septembris 2017)

Nexus externi

• "Ri Yong Ho (Foreign Affairs)" apud North Korea Leadership Watch

Ministri rerum externarum Coreae Septentrionalis

	{
Pak Heonyeong 1948 • Nam Il 1953 • Bak Seongcheol 1959 • Heo Dam 1970 • Gim Yeongnam 1983 • Baek Namsun 1998 • Bak Euichun 2007 • Ri Suyong 2014 • Ri Yongho 2016 Opus geopoliticum • Ministri a rebus externis civitatum Asiaticarum hodiernarum Capsae cognatae: Principes Coreae Septentrionalis • Primi ministri Coreae Septentrionalis